गोगोरोले ल्यायो नेपालमै पहिलो पटक विद्युतीय स्कुटरमा ‘वाई ब्याक ग्यारेन्टि’

काठमाडौ–गोगोरो स्कुटरको नेपालका लागि आधिकारिक पार्टनर नेब्युला इनर्जीले नेपालमै पहिलो पटक विद्युतीय दुई पाङ्ग्रे सवारीका लागि ‘वाई ब्याक ग्यारेन्टी’ कार्यक्रम सुरु गरेको छ । यो कार्यक्रमले ग्राहकहरूलाई थप भरोसा दिलाउँदै नेपाली बजारमा ब्राण्डको दीर्घकालीन प्रतिबद्धता देखाएको कम्पनीको भनाई छ ।

यस कार्यक्रममार्फत गोगोरो नेपालमा निश्चित रिसेल भ्यालू दिने पहिलो विद्युतीय दुई पाङ्ग्रे सवारी ब्रान्ड बनेको छ । कार्यक्रम २०८२ साउन १९ गतेदेखि आधिकारिक रूपमा लागू भएको हो । यस अन्तर्गत गोगोरोले अब आफ्ना स्मार्ट स्कुटर किन्नेहरूलाई ढुक्क बनाउने गरी ५ वर्ष वा ४०,००० किलोमिटर (जुनपहिले पुग्छ) अवधि भित्र १ लाखको ‘वाई ब्याक ग्यारेन्टि’ प्रदान गर्नेछ ।

ईभीको ब्याट्री विग्रदै जाँदा यसले रिसेल भ्यालू घटाउने भएपनि अव गोगोरोले यस समस्याको समाधान ब्याट्री स्वापिङ प्रविधिबाट गरेको छ । गोगोरो स्कुटरमा ब्याट्री स्वाप प्रबिधी भएकाले वाई ब्याक ग्यारेन्टि दिन सकिेको कम्पनीले जनाएको छ ।

‘सुरुदेखि नै हामीले गरेको लगानीले यही प्रतिबद्धता झल्काउँदै आएको छ । हामीले काठमाडौंभर ४५ वटा ब्याट्री स्वापिङ स्टेसनको नेटवर्क निर्माण गरेपछि मात्र सेवा सञ्चालन सुरु गरेका थियौं । आज हामी त्यो प्रतिबद्धतालाई अझ अगाडि बढाउँदैछौं’ नेब्युला इनर्जीका जनरल म्यानेजर चिरञ्जीवी शाहले भने ।

कम्पनीले दशैं अफरको सुरुवात नाइमा मोबिलिटी एक्सपोमार्फत गर्ने तयारी गरिरहेको छ । जसमा, ब्याट्री स्वाप प्रणालीमा आउन चाहने ग्राहकलाई आकर्षक छुट र थप सुविधाहरू दिइनेछ ।