बीएमडब्ल्युको लन्च हुने आगामी बाइकको नाम जी३१० आरआर हुने पुष्टि

बीएमडब्ल्युले चाँडै नै जी३१० आरआर नामको बाइक लन्च गर्न लागेको छ । कम्पनीले यस बाइकको परीक्षण सुरु गरिसकेको छ र यसको लन्च जुन १५, २०२२ मा हुनेछ । रिपोर्टका अनुसार बीएमडब्ल्युको नयाँ बाइक टीभीएस अपाचे ३१०मा आधारित छ ।

अपाचे आरआर३१० को प्लेटफर्ममा आधारित भएको हुनाले यसको इन्जिन पावर अपाचेको जस्तै हुने अपेक्षा गरिएको छ । नयाँ बीएमडब्ल्यु ३१२ सीसी सिंगल सिलिन्डर, लिक्विड कुल्ड मोटरको साथ उपलब्ध हुनेछ, जसले ३४ बीएचपीको पावर र २७.३ एनएमको टर्क जेनेरेट गर्नेछ । बीएमडब्ल्यु ३१० को टप स्पिड १६० किमी हुनेछ र यसले ७.१७ सेकेन्डमा ० देखि १०० किमीको गति लिन सक्ने क्षमता रहेको छ । यसमा ६ स्पिड ट्रान्समिसन जोडिएको छ ।

बीएमडब्ल्यु जी ३१० आरआरमा अलोय ह्विल डिजाइन, अपडेट ग्राफिक्स र रिभाइज्ड इन्जिन केसिङ समावेश छ । सो बाइकमा ब्लुटुथ कनेक्टिभिटी, डुअल च्यानल एबीएस, स्लिपर क्लच र राइड बाई वायर सहितको ५ इन्चको कलर डिस्प्ले दिइएको छ । साथै, फेयरिङ युनिट डिजाइनको लागि नयाँ रङको विकल्प पनि समावेश गरिने छ ।

अपाचे ३१० र बीएमडब्ल्यु ३१० एउटै प्लेटफर्ममा निर्माण भएको हुनाले बीएमडब्ल्यु ३१० को मूल्य पनि २ लाख ६५ हजार भारु हुने अनुमान गरिएको छ । भारतमा बीएमडब्ल्यु ३१० बाइक २०२२ केटीएम आरसी ३९० र कावासाकी निन्जा ३०० सँग प्रतिस्पर्धा गर्नेछ ।