बीएमडब्ल्युका बाइक पुगे अपर मुस्ताङ

काठमाडौं – नेपाली बजारमा उपलब्ध बीएमडब्ल्युका ११ हेभी बाइक सहित १६ राइडर अपर मुस्ताङ पुगेका छन् । नयाँ वर्ष २०७९ को अवसरमा बीएमडब्ल्युको नेपालका लागि आधिकारिक वितरक हिमालय मोटरार्डको आयोजनामा ती बाइक अपर मुस्ताङको कोरला नाका सम्म पुगेका हुन् ।

बीएमडब्ल्युका जी३१० आर, जी ३१० जीएस, एफ ७०० जीएस र एफ ८०० जीएस जस्ता हेभी बाइकमा राइडरहरु अपर मुस्ताङ पुगेका हुन् । गत चैत २६ गते काठमाडौंको नक्सालस्थित सोरुमबाट प्रस्थान गरेका राइडरहरु बैशाख २ गते काठमाडौं फिर्ता आइपुगेका थिए ।

सो अवसरमा मुस्ताङको जोमसोममा राइडरहरुका बीच स्लो रेस र स्किल रेसको प्रतियोगिता समेत आयोजना गरिएको थियो ।

स्लो रेस प्रतियोगितामा जी ३१० जीएस सवार राइडर शिरिष जिसी विजयी बने भने एफ ८०० जीएस सवार अनिल कुमार श्रेष्ठ फर्स्ट रनर अप बने । त्यसैगरी स्किल रेस प्रतियोगितामा जी ३१० आर सवार नवीन डंगोल विजयी बने भने जी ३१० जीएस सवार शिरिष जिसी फर्स्ट रनर अप बने ।

नयाँ वर्षको अवसरमा राइडरहरुलाई मनोरञ्जन प्रदान गर्न र पर्यटन प्रवद्र्धन गर्नका लागि समेत सो राइड कार्यक्रमको आयोजना गरिएको हिमायल मोटरार्डका जनरल म्यानेजर दिपेश श्रेष्ठले बताए ।