बीएमडब्ल्युको सबैभन्दा शक्तिशाली एसयूभी चाँडै लन्च हुने, टिजर सार्वजनिक

बीएमडल्युले एक्सएम लेबल रेडको पहिलो टिजर सार्वजनिक गरेको छ । सो एसयूभी अर्को वर्ष सार्वजनिक हुनेछ । आगामी बीएमडल्यु एक्सएम लेबल रेड जर्मन लक्जरी अटोमोबाइल ब्रान्डको अहिलेसम्मको सबैभन्दा शक्तिशाली कार हुनेछ ।

बीएमडल्युले सेप्टेम्बर २०२२ मा बीएमडल्यु एक्सएम लन्च गरेको थियो । नयाँ भेरिएन्ट सोही एसयूभीमा आधारित हुनेछ । कम्पनीले सो कारको टिजर इन्स्टाग्राम मार्फत सार्वजनिक गरेको थियो ।

कम्पनीले सो एसयूभीमा गरेको परिवर्तनको बारेमा केही झलक देखाएको छ । बीएमडल्यु एक्सएम पहिले नै स्ट्यान्डअलोन डिभिजन कारको रूपमा उपलब्ध छ । बीएमडल्यु एक्सएमले ७३८ एचपीको पावर र १००० एनएमको टर्क दिने अपेक्षा गरिएको छ ।

बीएमडल्यु एक्सएम लेवल रेडमा पावरको लागि सिंगल इलेक्ट्रिक मोटरको साथमा ट्विन–टर्बोचाज्र्ड ४.४ लिटर भी८ इन्जिन जोडिएको छ । स्ट्यान्डर्ड ट्रिममा सो हाइब्रिड पावरट्रेनले ६४४ एचपीको पावर र ८०० एनएमको टर्क जेनेरेट गर्छ ।

सो एसयूभी लक्जरी पर्फमेन्स एसयूभीमा स्ट्यान्डर्ड भन्दा बढी परिवर्तन देखिनेछ । यसको अगाडिको ग्रिल, विन्डोज र ह्विलमा रातो रिम पनि देख्न सकिन्छ । टिजरमा सो एसयूभीको ग्रिलमा रातो एक्सएम ब्याजको साथमा देखाइएको छ ।