ब्याटम्यान जस्तै उड्न सकिने विङसुट बनायो बीएमडब्ल्युले (भिडियो सहित)

जर्मन कार निर्माता कम्पनी बीएमडब्ल्युले विश्वकै पहिलो अल–इलेक्ट्रिक विङसुट बनाएको छ । यसको सहयोगले ३ सय किमी प्रतिघण्टाको गतिमा ब्याटम्यान जस्तै उड्न सकिन्छ । बीएमडब्ल्युले डिजाइन वर्क्सको सहयोगमा सो विङसुट बनाएको हो ।

सो विङसुटको कन्सेप्ट ३ वर्ष पहिले पिटर साल्जमनले गरेका थिए । उनी व्यावसायिक विङसुट पाइलट, स्काई डाइभर र प्याराग्लाइडिङ इन्स्ट्रक्टर हुन् । बीएमडब्ल्युको सो विङसुटको फ्लाई युनिटमा दुई वटा चेस्ट माउन्टेड कार्बन फाइबरको प्रयोग गरिएको छ । प्रत्येक युनिटले ७.५ एचपी पावर प्रदान गर्छन् र सबै गरी ५ मिनेटका लागि बढीमा २० एचपी पावर प्रदान गर्छन् ।

बीएमडब्ल्युले एउटा युट्युब भिडियो समेत सार्वजनिक गरेको छ, जसमा साल्जमनले यसको टेस्ट फ्लाइट गरेका छन् । उनी अष्ट्रियामा ९ हजार फिट उचाईबाट हेलिकोप्टरमार्फत खसेको देखाइएको छ । यसलाई ३ सय किमी सम्मको गतिमा उडाउन सकिन्छ ।

यद्यपि सो विङसुट व्यावसायिक प्रयोजनमा आउने हो वा होइन भन्ने वारेमा केही बताइएको छैन ।