विएमडव्लूको यो इलेक्ट्रिक स्कुटर जसले दिन्छ सिंगल चार्जमा १३० किलोमिटर रेन्ज

विएमडब्लूले भारतमा नयाँ इलेक्ट्रिक स्कुटर सिई ०४ सोकेश गरेको छ । एस १००० आर लन्च कार्यक्रममा कम्पनीले सो स्कुटरलाई सोकेश गरेको हो । निकै नै आकर्षक लुक्समा आएको यो स्कुटर भविष्यमा आधारित रहेको विएमडव्लूले जनाएको छ ।

स्कुटरमा ८.९ किलोवाट आवरको व्याट्री र १५ किलोवाटको मोटर जडान गरिएको छ । जसको अधिकतम पावर ४२ एचपी रहेको छ । यो स्कुटरलाई एकपटक फूल चार्ज गर्दा १३० किलोमिटर रेन्ज दिने दावी छ । यो स्कुटरले २.६ सेकेन्डमै सून्यदेखी ५० किलोमिटरसम्मको गति लिनसक्ने र यसको टप स्पिड १२० किलोमिटरसम्म रहेको कम्पनीले बताएको छ ।

यो स्कुटरको व्याट्रीलाई २.३ किलोवाटको चार्जरले ४ घन्टा २० मिनेटमा र ६.९ किलोवाटको फास्ट चार्जरले १ घन्टा ४० मिनेटमा फुल चार्ज गर्न सकिन्छ । स्कुटरमा ट्रयाक्सन कन्ट्रोल र तीन भिन्न प्रकारका राइडिङ मोड दिइएको छ ।

साथै यसमा १०.२५ इन्चको हाइ रेजुलेसन टिएफटी डिस्प्ले समेत उपलब्ध गराइएको छ । जसमार्फत राइडरले आफ्नो स्मार्टफोनलाई कनेक्ट गरी नेभिगेसन लगायत फिचर प्रयोग गर्न सक्नेछन् । सुरक्षाका लागी यसमा डिस्क व्रेक र एविएस जस्ता फिचर्स पाउन सकिन्छ ।