अटो मेकानिक्स व्यवसायीहरुको संयोजनमा चितवनमा रक्तदान सम्पन्न

चितवन – चितवन अटो मेकानिकल व्यवसायी संघ तथा अटो मेकानिकल बचत तथा ऋण सहकारी संस्था लिमिटेडको संयुक्त आयोजनामा शहीदहरुको सम्झनामा शुक्रबार रक्तदान कार्यक्रमको आयोजना गरिएको छ ।

सो अवसरमा ५१ जनाले रक्तदान गरेका छन् । संस्थाले बर्सेनि शहीद दिवसको अवसर पारेर रक्तदान कार्यक्रम गर्दै आइरहेको नेपाल अटो मेकानिक्स व्यवसायी महासंघका उपाध्यक्ष गोपाल भट्टराईले बताए । जिल्लामा रगतको अभाव हुन नदिन भन्दै रक्तदान गरिएको भट्टराईको भनाइ छ ।

कार्यक्रम चितवन अटो मेकानिकल व्यवसायी संघका अध्यक्ष रामबहादुर लोहनीको अध्यक्षतामा भएको थियो ।