१२० रुपैयाँमै ब्लु बुक नवीकरणको अवसर

कठमाडौं – सवारी साधनको ब्लु बुक नवीकरण गर्नु पर्ने अवस्था भए केही समयका लागि विशेष अफर उपलब्ध हुने भएको छ । कुनै पनि सवारी धनीको ब्लु बुक नवीकरण गर्ने सुविधा उपलब्ध गराइरहेको स्मार्ट सर्भिस इनले आगामी चैत ३० गते सम्मका लागि सो अफर उपलब्ध गराएको छ ।

राजधानीको भृकुटीमण्डपमा जारी चेम्बर एक्सपोमा समेत स्मार्ट सर्भिस इनले सो अफरको वारेमा जानकारी प्रदान गरिरहेको छ । हाल मोटरसाइकल वा स्कुटरका लागि १२० र चारपांग्रे सवारी साधनका लागि २२० रुपैयाँ शुल्क लिएर सो सुविधा उपलब्ध गराइरहेको स्मार्ट सर्भिस इनको भनाइ छ ।

स्मार्ट सर्भिस इनको वेबसाइटमार्फत कुनै पनि सवारी धनीले आफ्नो ब्लु बुक नवीकरण गर्ने सुविधा उपभोग गर्न सक्छन् । आफू बसेकै स्थानमा स्मार्ट सर्भिस इनका कर्मचारी आउने र यातायात कार्यालयमार्फत ब्लु बुक नवीकरण गरिदिने सुविधा उपलब्ध गराइरहेका छन् ।

यसका साथै वार्षिक रुपमा सब्सक्रिप्सन प्लान समेत स्मार्ट सर्भिस इनले उपलब्ध गराइरहेको छ । अन्य विभिन्न सुविधाका साथै बिल बुक नवीकरण गर्ने समयमा एसएमएस र कल समेत आउने सुविधा छ । यसो भयो भने समयमै नवीकरण गरी जरिवाना तिर्नबाट समेत बच्न सकिन्छ ।