बजाजको पल्सर लाइनअप अपडेट, डिजिटल डिस्प्लेको साथ ब्लुटुथ जडित पल्सर एन१६० लन्च

बजाज अटोले आफ्नो लोकप्रिय बाइक पल्सरको लाइनअप अपडेट गरेको छ । यसमा कम्पनीले पल्सर एन१६० लन्च गरेको छ । कम्पनीले आफ्ना बाइकहरूमा डिजिटल डिस्प्लेसहितको ब्लुटुथ कनेक्टिभिटी जस्ता सुविधाहरू उपलब्ध गराएको छ ।

नयाँ पल्सर एन१६० मा सबैभन्दा ठुलो अपडेट यसको फ्रन्ट यूएसडी फोर्क हो । सो बाइक बजार ड्युअल च्यानल एबीएस भएको एक मात्र १६०सीसी बाइक हो । सो बाइकको एक्स शोरुम मूल्य १ लाख ४० हजार भारु तोकिएको छ । पल्सर एन१६० को नयाँ मोडल पुरानो भेरिएन्टको तुलनामा ६ हजार भारुले महँगो छ ।

२०२४ पल्सर एन१६० मा ब्लुटुथ इनेबल्ड इन्स्ट्रयुमेन्ट कन्सोल पनि समावेश छ । अब बाइकमा रोड, रेन र अफ-रोड गरी ३ वटा एबीएस मोड उपलब्ध गराएको छ। तर, सो बाइकमा एबीएस मोड पूर्ण रूपमा बन्द गर्न सकिँदैन, बरु एबीएसलाई मोड अनुसार एडजस्ट गर्न सकिन्छ।

नयाँ पल्सर एन१६० मा पुरानो मोडलमा जस्तै १६४.८२ सीसी सिंगल सिलिन्डर, आयल कुल्ड इन्जिन प्रयोग गरिएको छ, जसले १६ एचपीको पावर र १४.७ एनएमको पीक टर्क जेनेरेट । ट्रान्समिशनका लागि बाइकमा ५ स्पिड गियरबक्स समावेश गरेको छ । सो बाइकमा स्ट्यान्डर्ड ड्युअल च्यानल एबीएससहित दुवै पाङ्ग्रामा डिस्क ब्रेक दिइएको छ ।

पल्सर एन१६० को लम्बाइ २०५५ एमएम, चौडाइ ७६५ एमएम, ह्विलवेस १३५८ एमएम, ग्राउन्ड क्लियरेन्स १६५ एमएम र सिट हाइट ७९५ एमएम रहेको छ । सो बाइकको तौल १४८ किलोग्राम छ । बाइकको फ्युल ट्याङ क्षमता १४ लिटर छ ।