नयाँ मोडल आएपछि बजाजले वन्द गर्यो पल्सर १५० को उत्पादन

बजाजले आफ्नो चर्चित मोटरसाइकल पल्सर १५० को उत्पादन वन्द गर्ने निर्णय लिएको छ । सन् २००१ मा पहिलोपटक लन्च भएको यो मोटरसाइकल बजाजको सर्बाधिक विक्री हुने मोडलमा गनिँदै आएको थियो । २१ वर्षपछि कम्पनीले यसको विकल्पका रुपमा केहि समयअघि मात्र पल्सर पी १५० लाई उतारेर यो पुरानो मोडललाई वन्द गर्ने संकेत भने दिइसकेको थियो ।

बजाजले यो मोटरसाइकलको पावरट्रेन, लुक्स, डिजाइन र फिचर्समा यसअघि कैयन पटक अपडेट गर्दै आएको थियो । जसका कारण पनि यो सेग्मेन्टमै सफल मोडलका रुपमा स्थापित वनिरह्योे । एउटै मोडल २ दशकभन्दा बढी समयसम्म सफल रुपमा बिक्री हुँदै आएपनि विकल्पका रुपमा न्यू एज पल्सर पी १५० आएसंगै कम्पनी यसको उत्पादन वन्द गर्ने निर्णयमा पुगेको हो ।

बजाजले यसअघि पल्सर १८० र पल्सर २२० को समेत उत्पादन वन्द गरिसकेको छ । पुरानो मोडलमा अव पल्सर सिरिजको १२५ मोडलमात्र उपलब्ध हुनेछ । नयाँ डिजाइ थिममा आएका पल्सर एफ २५०, एन २५० र एन १६० सहित पी १५० लगायत मोडलहरुले अव बजारमा स्थान पाउनेछन् ।

पल्सर १५० नेपाली बजारमा समेन निकै नै लोकप्रियता कमाएको मोटरसाइकल हो । यो सेग्मेन्टमा सर्बाधिक बिक्री हुने मोटरसाइकलका रुपमा यसले विगत लामो समयदेखी आफ्नो पहिचान कायम गर्दै आइरहेको छ । यसको विकल्पका रुपमा आएको नयाँ मोडल पी १५० भने हालसम्म नेपाल आइसकेको छैन ।

पुरानो मोडलको उत्पादन भारतमा बन्द भएसंगै नेपालका लागी आधिकारिक वितरक हंसराज हुलासचन्द एन्ड कम्पनीले अवको केही समयपछि नयाँ मोडल पी १५० लाई स्वदेशमै एसेम्वल गर्ने अनुमान गर्न सकिन्छ ।