५०० सीसीको बजाज ट्विनर स्पोर्ट्स बाइक आउदै, ५० एचपी पावरको अपेक्षा

बजाजले सन् २०२० मे मा दर्ता गरेको आवेदन अनुसार ‘ट्विनर’ ट्रेडमार्क स्वीकृत भएको छ । ट्विनरको अर्थ अनुसार बजाजले आगामी दिनमा मिड क्यापासिटीको ट्विन सिलिन्डर मोटरसाइकल बजारमा ल्याउने अनुमान गरिएको छ ।

बजाजले हाल ट्रायम्फ मोटरसाइकलसँग मिलेर प्रिमियम मोटरसाइकल लन्च गर्ने तयारी गरिरहेको छ । त्यसैगरी केटीएमसँग मिलेर ४९० देखि ६५० सीसी सम्म क्षमताका ट्विन सिलिन्डर मोटरसाइकल विकास गरिरहेको समाचार पनि आइरहेका छन् । यस्ता विभिन्न मोडल समेत आगामी दिनमा ल्याउने तयारी भइरहेको छ ।

बजाजले केटीएमको ४९० सीसीको मोटरसाइकल भारतीय बजारका लागि ल्याउने बताइएको छ । यसका आधारमा बजाजले ५० एचपी क्षमता निकाल्ने मोटरसाइकलको रुपमा ट्विनर ल्याउने अनुमान समेत गरिएको छ ।

जे भए पनि यसको वारेमा विस्तृत जानकारी भने आगामी दिनमा हुँदै जानेछ ।