पल्सर सिरिजमा बजाजले ल्यायो १५० सीसीको अर्को मोटरसाइकल

बजाजले पल्सर सिरिजको नयाँ बाइक पल्सर पी१५० भारतमा लन्च गरेको छ । बजाजले यो बाइक नेकेड भर्सन र स्पोर्टी डिजाइनमा लन्च गरेको हो ।

पल्सर पी१५० मा एयर कुल्ड, १४९ सीसी सिंगल–सिलिन्डर इन्जिन छ जसले ८५०० आरपीएममा १४.५ बीएचपीको पावर र ६००० आरपीएममा १३.५ एनएमको टर्क जेनेरेट गर्छ । सो इन्जिनलाई ५ स्पिड गियरबक्ससँग जोडिएको छ । यो इन्जिन २ भल्व आर्किटेक्चरमा आधारित छ । बाइकको इन्धन ट्याङकीको क्षमता १४ लिटर छ ।

सो बाइकको तौल १४० किलोग्राम, सिट हाइट ७९० एमएम र ग्राउन्ड क्लियरेन्स १६५ एमएम छ । बाइकको फ्रन्टमा टेलिस्कोपिक फोर्क र रियरमा एड्जस्टेबल मोनोसक सस्पेन्सन रहेको छ ।

पल्सर पी१५० सिंगल डिस्क र ड्युअल डिस्क भेरिएन्टमा उपलब्ध हुनेछ । सिंगल डिस्क ब्रेक भेरिएन्टमा स्प्लिट सिट र सिंगल–पिस ह्यान्डल बार हुनेछ भने ड्युअल डिस्क ब्रेक भेरिएन्टमा स्प्लिट सिटसहितको क्लिप–अन ह्यान्डल बार हुनेछ । बाइकमा सिंगल च्यानल एबीएस पनि दिइएको छ ।

यसमा पल्सर एन१६० मा जस्तै सेमी डिजिटल इन्फिनिटी इन्स्ट्रयुमेन्ट कन्सोलको प्रयोग गरिएको छ । बाइकमा एलईडी डीआरएल र एलईडी टेल लाइटको साथ एलईडी प्रोजेक्टर हेडलाइट पनि छ ।

यो मोटरसाइकल पल्सर १५० र एन १६० को बीचका ग्राहकलाई लक्षित गरेर ल्याइएको कम्पनीको भनाइ छ ।

यो मोटरसाइकलको बेस भेरिएन्टको मूल्य १ लाख १६ हजार ७५५ र टप भेरिएन्टको मूल्य १ लाख १९ हजार ७५७ भारु निर्धारण गरिएको छ ।