अब पालो बजाज पल्सर एन१५० को, चाँडै बजारमा आउने

बजाजले चाँडै नै भारतीय बजारमा एन१५० न्यु जेनेरेसन पल्सर बाइक लन्च गर्ने भएको छ । कम्पनीले गत वर्ष एन२५० र एफ२५० बाइक लन्च गरेको थियो ।

नयाँ पल्सर एन१५० केही हदसम्म एन१६० सँग मिल्दोजुल्दो हुनेछ । पल्सर एन१५० अन्य २ मोडलको तुलनामा सस्तो हुनेछ । यद्यपि नयाँ एन१५० को फ्रन्ट एलईडी हेडल्याम्पलाई हेलोजन हेडल्याम्पले प्रतिस्थापन गर्नेछ । हेडल्याम्प काउल पनि एन१६० भान्दा फरक हुनेछ । यसमा एन१६० जस्तै अन्डर–बेली एक्जस्ट र टेलल्याम्प एलईडी युनिट हुनेछ ।

बजाजले पल्सर एन१६० को इन्जिन साइज घटाउनेछ । हालको पल्सर १५० ले १४ पीएस पावर र १३.२ एनएम टर्क उत्पन्न गर्छ । एन१६० ले १६ पीएस पावर र १४.६५ टर्क उत्पन्न गर्छ । पल्सर एन१५० को पावर पल्सर १५० जस्तै हुने अपक्षा गरिएको छ ।

बजाज पल्सर एन१५० मा टेकोमिटर र बेजल–लेस डिजाइन भएको डिजिटल इन्स्ट्रयुमेन्ट क्लस्टर जस्ता फिचर हुने अपेक्षा गरिएको छ । बजाजले ब्याक–लाइट स्विचगियर र सेल्फ–क्यान्सलिङ टर्न इन्डिकेटर पनि जडान गर्नेछ । यसमा यूएसबी पोर्ट पनि हुन सक्छ ।

एन१५० ले एन१६० को प्लेटफर्म प्रयोग गर्नेछ । ब्रेकिङका लागि फ्रन्टमा डिस्क ब्रेक र टप इन्ड भेरिएन्टमा रियरमा डिस्क ब्रेक हुनेछ । जबकि तल्लो भेरिएन्टको रियरमा ड्रम ब्रेक हुनेछ । दुबै भेरिएन्टमा सिंगल च्यानल एबीएस र सस्पेन्सनको लागि फ्रन्टमा टेलिस्कोपिक फोर्क र रियरमा मोनो–शक उपलब्ध हुनेछ ।