बजाज खुशीको तीन डोजको विजेता घोषणा, गुप्ताले पाए १० लाख नगद

काठमाडौं – नेपालका लागि बजाजको आधिकारिक विक्रेता हंसराज हुलासचन्द एन्ड कम्पनी प्रालिले ‘बजाज खुशीको ३ डोज’ को विजेता घोषणा गरेको छ । नेपालीहरुको महान चाड बडादसैंँ, तिहार र छठको अवसरमा शुरु गरिएको ‘खुशीको ३ डोज’ को विजेता बन्न सफल भई लालबन्दीका बिट्टु कुमार गुप्ताले १० लाख रुपैयाँ हात पार्न सफल भएका छन् । गुप्ताले अर्किड्ज मोटर्स प्रालिबाट मोटरसाइकल खरिद गरेका थिए ।

यस अफर अन्तर्गत ग्राहकहरुले कुनै पनि बजाज मोटरसाइकल किन्नुभन्दा पहिले, किन्दाखेरी र किनिसकेपछि नगद पुरस्कार प्राप्त गर्ने अवसर थियो । साथै ग्राहकहरुले बाइक किन्नुभन्दा पहिले १० हजार सम्मको अग्रिम नगद प्राप्त गर्ने अवसर पनि थियो । त्यसबाहेक उपभोक्ताहरुले मोटरसाइकलको खरिद गर्ने बेलामा १ लाख सम्मको नगद छुट प्राप्त गर्ने अवसर पनि थियो र बम्पर अफरमा भने कुनै पनि आधिकारिक डिलरबाट बजाज मोटरसाइकल किनिसकेपछि १० लाख सम्मको नगद पुरस्कार प्राप्त गर्ने अवसर थियो ।

आफू विजेता बनेको खुशी व्यक्त गर्दै गुप्ताले यस्तो योजना सञ्चालन गरेकोमा धन्यवाद समेत दिएका छन् ।

श्री शेखर गोल्छा, हंसराज हुलासचन्द एन्ड कम्पनी प्रालिका प्रबन्ध निर्देशक शेखर गोल्छाले खुशीका तीन डोजमा सहभागी सम्पूर्ण उपभोक्ताहरुलाई हार्दिक धन्यवाद र विजेताहरुलाई हार्दिक बधाई दिएका छन् । आफूहरुले सँधै ग्राहकवर्गको लागि उपयुक्त हुने योजना र अफरहरु ल्याइरहेको बताउदै यो योजनामा उत्साहजनक सहभागिताको लागि सबैलाई उनले आभार प्रकट गरेका छन् ।