फ्याक्ट्री फिटेड एसेसरिजको साथमा बजाज डोमिनार ४०० को अपडेटेड भर्सन लन्च

बजाज अटोले पावरफुल बाइक बजाज डोमिनार ४०० को अपडेटेड मोडल भारतमा लन्च गरेको छ । नयाँ बजाज डोमिनार ४०० मा फ्याक्ट्री फिट टुरिङ एसेसरिजको साथमा पेश गरिएको छ, जसले यो बाइकमार्फत लामो दूरीको यात्रा गर्न सजिलो बनाउँछ ।

२०२२ बजाज डोमिनार ४०० को मूल्य २ लाख १७ हजार भारु तोकिएको छ । सो बाइक अरोरा ग्रीन र चारकोल ब्ल्याक कलरमा उपलब्ध छ ।

नयाँ बजाज डोमिनारमा ठूलो विन्डस्क्रिनको प्रयोग गरिएको छ र यो सीएफडी प्रविधिले सुसज्जित रहेको छ । यसको साथै फ्लेक्सी विङ्लेटले सुसज्जित जेट फाइटर इन्स्पायर्ड ह्यान्डगार्ड पनि देख्न सकिन्छ । टुरिङ बाइकमा यस्तो विंड प्रोटेक्टर गार्डको आवश्यकता पनि छ ।

बजाज अटोले नयाँ बजाज डोमिनार ४०० मा लगेज क्यारियर र ब्याक स्टपर पनि दिएको छ । यसको साथै मेटल स्किड प्लेटको साथमा नयाँ इन्जिन बास प्लेट पनि समावेश गरिएको छ । जसले बाइकको इन्जिनलाई सुरक्षा प्रदान गर्छ । यसको साथै नयाँ लेग गार्ड, नेभिगेसन सपोर्ट, युएसबी चार्जिङ पोर्ट, डिस्क ब्रेक र डुअल च्यानल एबीएस सिस्टम सहित अन्य फिचर समावेश गरिएको छ ।

सो बाइकमा ३७३.३ सीसी सिंगल सिलिन्डर लिक्विड कुल्ड डीओएचसी फ्युल इन्जेक्टेड इन्जिन समावेश गरिएको छ । जसले ४० पीएसको पावर र ३५ एनएमको टर्क जेनेरेट गर्छ । नयाँ बजाज डोमिनारमा पनि ६ स्पिड गियरबक्स समावेश गरिएको छ ।

सो बाइकले रोयल इन्फिल्ड न्यू क्लासिक ३५० र होन्डा सीबी३५०आरएस सहित अन्य बाइकसँग प्रतिस्पर्धा गर्नेछ ।