बजाजको नयाँ मूल्य सूची सार्वजनिक : पल्सर २२० एफ सहित तीन मोडलको बढ्यो मूल्य

काठमाडौं – नेपाली बजारमा बजाज मोटरसाइकलका तीन मोडलको मूल्य वृद्धि भएको छ । बजाजको नेपालका लागि आधिकारिक वितरक हंसराज हुलासचन्द एन्ड कम्पनीले हिजो देखि लागू हुने गरी सार्वजनिक गरेको नयाँ मूल्य सूची अनुसार तीन मोडलको मूल्य वृद्धि भएको छ ।

यस अनुसार सबैभन्दा धेरै बजाज पल्सर २२०एफ एबीएसको मूल्यमा वृद्धि भएको छ । पहिले ३ लाख ७४ हजार ९ सय रुपैयाँ भएकोमा पल्सर २२०एफ एबीएसको मूल्य ३ लाख ९४ हजार ९ सय रुपैयाँ पुगेको छ ।

त्यसैगरी पल्सर १५० एसडी र एभेन्जर २२० क्रुजको मूल्यमा ३ हजार रुपैयाँले वृद्धि गरिएको छ । अब यी दुई मोटरसाइकलको मूल्य क्रमशः २ लाख ८२ हजार ९ सय र ३ लाख ९९ हजार ९ सय रुपैयाँ पुगेको छ ।

नेपाली बजारमा उपलब्ध बजाज बाइक र तिनको मूल्य सूची यहाँ हेर्न सकिन्छ ।