कार ब्लगरले लन्च हुनु अगावै साओमी वाईयू–७ को भिडियो लिक गरिदिए पछि…

चीनमा एक लोकप्रिय कार ब्लगरले साओमी वाईयू–७ को भिडियो औपचारिक लन्च हुनु अगाबै लिक गरिदिएको छन् । चीनका प्रख्यात अटो ब्लगर सेकेन्ड ब्रदरले भुलवस उक्त भिडियोलाई सोशल मिडियामा पोष्ट गरिदिएका हुन् । जुन विषयले अहिले हंगामा मच्चाइरहेको छ भने कतिपयले यसलाई लज्जास्पद दुर्घटना समेत भनेका छन् ।

रातको १० वजेका लागि भिडियो रिलिज गर्न भनिएकोमा ती भ्लगरले विहान १० बजेनै भिडियो पोष्ट गरिदिए । भिडियोमा वाईयू–७ को बाहिरी डिजाइन, भित्री सुविधाहरू र हेड–अप डिस्प्ले जस्ता प्रमुख फिचरलाई हाइलाइट गरिएको थियो । ब्लगरले अनधिकृत रिलिजका लागि ५० लाख युआन जरिवाना तिनुपर्ने अनुमान गरिएको छ ।

पोष्ट भएको केही समयपछि नै उक्त भिडियोलाई हटाइएको भएपनि त्यसलाई अन्य कन्टेन्ट क्रियटरहरुले पहिले नै विभिन्न भिडियो प्लेटफर्महरूमा सेयर गरिसकेका थिए । जसले गर्दा गाडी औपचारिक लन्च हुनु अगावै यसबारे धेरैले जानकारी पाएका छन् ।

साओमी वाईयू७ टेस्ला मोडेल वाईसंग प्रतिस्पर्धा गर्नेगरी बजारमा आउन लगेको एक प्रिमियम ईभी हो । यो गाडी स्ट्यान्डर्ड, प्रो र म्याक्स गरी कुल तीन भेरिएन्टमा उपलब्ध हुनेछ ।