नेपाल रिकन्डिसन अटो व्यवसायी संघ र लुम्बिनी जनरल इन्स्योरेन्स बीच सहकार्यको सम्झौता सम्पन्न

काठमाडौं – सेकेन्ड ह्यान्ड गाडी बिक्रेताहरुको समूह नेपाल रिकन्डिसन अटो व्यवसायी संघ र लुम्बिनी जनरल इन्स्योरेन्स बीच सहकार्य सम्बन्धी सम्झौता सम्पन्न भएको छ । नेपाल रिकन्डिसन अटो व्यवसायी संघका अध्यक्ष रमेश कोइराला र लुम्बिनी जनरल इन्स्योरेन्सका सीईओ एनपी प्रधानले यस सम्बन्धी सम्झौता पत्र आदानप्रदान गरे ।

सम्झौता अनुसार एक वर्षका लागि लुम्बिनी जनरल इन्स्योरेन्सले संघलाई निश्चित रकम सहयोग गर्नेछ । संघमा आवद्ध व्यवसायीहरुले आफ्ना गाडी बिक्री गर्दा लुम्बिनी जनरल इन्स्योरेन्समा इन्स्योरेन्स गर्नका लागि सहजीकरण गर्नेछन् ।

सवारी साधन बिक्री गरे पछि गाडी किन्ने ग्राहकले इन्स्योरेन्स गर्नु आवश्यक हुन्छ । यस प्रकार इन्स्योरेन्स र गाडी धनीको बीचमा सुमधुर सम्बन्ध हुनु आवश्यक छ । यही सम्बन्धलाई जीवित राख्नका लागि संघ र इन्स्योरेन्सले भूमिका खेल्ने दुवै पक्षले अपेक्षा गरेका छन् ।

यो सम्झौता एक वर्षका लागि गरिएको बताइएको छ ।