अगस्त अन्त्यमा लन्च हुनेछ टोयोटा रुमियन, यी हुनेछन् प्रतिस्पर्धी

टोयोटाले केही समय पहिले सार्वजनिक गरेको एमपीभी रुमियन अगस्त अन्त्यमा लन्च हुने भएको छ ।

कम्पनीको आधिकारिक वेबसाइटमा दिइएको जानकारीका अनुसार सो एमपीभीमा स्मार्टफोन कनेक्टिभिटी, १७.७८ सेमी इन्फोटेनमेन्ट सिस्टम, एप्पल कारप्ले, एन्ड्रोइड अटो, अटो हेडल्याम्प, फलो मी हेडल्याम्प, स्प्लिट सिट, डुअल कलर इन्टेरियर, एयरब्याग, एबीएस, ईबीडी, हिल स्टार्ट असिस्टलगायत फिचर छन् ।

टोयोटाको रुमियनमा १.५ लिटरको इन्जिन हुनेछ । जसमा पेट्रोल र सीएनजीको विकल्प उपलब्ध हुनेछ । साथै, सो एमपीभीमा म्यानुअल र अटोमेटिक ट्रान्समिसन विकल्पहरू पनि उपलब्ध हुनेछन्। कम्पनीका अनुसार १.५ लिटर इन्जिनले १०१ बीएचपी पावर र १३६.८ एनएम टर्क जेनेरेट गर्नेछ । टोयोटा रुमियोनको पेट्रोल भर्सनबाट औसत २०.५१ किमी र सीएनजी भर्सनबाट २६.११ किमी माइलेज प्राप्त गर्न सकिने छ ।

यो एमपीभी टोयोटाले बजेट एमपीभीको रूपमा लन्च गर्नेछ। त्यसपछि यसले मारुती अर्टिगा, किया क्यारेन्स र रेनोको ट्राइबरसँग सीधा प्रतिस्पर्धा गर्नेछ।

यसको मूल्य अहिले नै सार्वजनिक गरिएको छैन । यद्यपि यसको मूल्य १० लाख भारुको आसपास हुन सक्ने अनुमान गरिएको छ ।