आहा ! एमजी कोमेट ईभी, मूल्य पनि सबैभन्दा कम

एमजी मोटर्सले भारतीय बजारमा सबैभन्दा सानो कार कोमेट ईभी सार्वजनिक गरेको छ । दुई ढोका भएको सो इलेक्ट्रिक कारमा चार जना यात्रु बस्न सकिन्छ ।

एमजी कोमेट ईभीमा १७.३ किलोवाट आवरको ब्याट्री प्याक छ, जसले सिंगल चार्जमा २३० किलोमिटर रेन्ज दिन्छ । ३.३ किलोवाट एसी चार्जरले यसलाई चार्ज गर्न सकिन्छ । सो ब्याट्री ७ घण्टामा फुल चार्ज हुन्छ । यसमा फास्ट चार्जरको सुविधा भने छैन ।

कोमेट ईभीमा १२ इन्चको टायर छ, जुन हाल भारतमा उपलब्ध कुनै पनि कार मध्ये सबैभन्दा कम हो ।

सो गाडीमा एउटा ठूलो फ्रि–स्ट्यान्डिङ डिजिटल डिस्प्ले छ, जसको साइज १०.२५ इन्च छ । यो भारतमा उपलब्ध हुने सबैभन्दा कम मूल्यको इलेक्ट्रिक कार हुनेछ ।

सो इलेक्ट्रिक कारको मूल्य अर्को महिना मात्र सार्वजनिक गरिने छ । यद्यपि यसको मूल्य १० लाख भारु भन्दा कम हुने अनुमान गरिएको छ । बजारमा यसले टाटा टियागो ईभी, सिट्रोन ईसी३ आदिसँग प्रतिस्पर्धा गर्नेछ ।