एथरका ५ लाख युनिट स्कुटर उत्पादन, बढ्दो माग पुरा गर्न नयाँ प्लान्ट बनाउँदै

भारतिय ईभी ब्रान्ड एथरले ५ लान युनिट स्कुटर उत्पादनको माइलस्टोन पार गरेको छ । कम्पनीले हालै बैंगलोर नजिकैको होसुरमा रहेको आफ्नो उत्पादन प्लान्टबाट ५ लाख औं युनिट उत्पादन गरेको हो ।

५ लाख युनिट उत्पादन हाँसिल गर्नु एथरका लागि एक प्रमुख कोशेढुङ्गा रहेको कम्पनिका सह–संस्थापक एबं सीटीओ स्वप्निल जैनले बताए । उनले भने, ‘यो उपलब्धिले उत्पादनको हरेक चरणमा गुणस्तरमा वर्षौंको ध्यान केन्द्रित गर्ने इन्जिनियरिङ र कठोर परीक्षणलाई प्रतिबिम्बित गर्दछ । यसले हाम्रो टोलीको समर्पण र हाम्रो ग्राहक प्रतिको विश्वासलाई पनि हाइलाइट गर्दछ ।’

कम्पनीले उत्पादन गरेको ५ लाखा औं युनिट स्कुटर रिज्टा रहेको जनाइएको छ । जसले, एथरको कुल उत्पादनमा एक तिहाइ भन्दा बढी हिस्सा ओगटेको छ । रिज्टा फेमिली स्कुटरका रुपमा चर्चित वनिरहेको छ ।

एथरको हाल होसुरमा दुईवटा उत्पादन प्लान्ट रहेको छ भने यी प्लान्टबाट बार्षिक ४ लाख २० हजार युनिट स्कुटर उत्पादन गर्न सकिन्छ । त्यसैगरी कम्पनिले बढ्दो माग पूरा गर्न महाराष्ट्रमा ‘फ्याक्ट्री ३.०’ स्थापना गरिरहेको छ ।