अशोक लेल्याण्डको शक्तिशाली डबल क्राउन ट्रक नेपाली बजारमा

काठमाडौं– अशोक लेल्याण्डले आफ्नो शक्तिशाली डबल क्राउन ट्रक नेपाली बजारमा ल्याएको छ । बुधबार इटहरीमा एक कार्यक्रमको आयोजना गरी कम्पनीले २५२३ मोडलको १० चक्के सो ट्रकलाई औपचारिक रुपमा लन्च गरेको हो । ९ स्पिड गेयर वक्स जडान गरिएको यो नयाँ ट्रक सेग्मेन्टमै सर्बाधिक शक्तिशाली रहेको कम्पनीले जनाएको छ ।

यो नयाँ ट्रकमा २३० एचपी क्षमता भएको आई–ईजीआर टेक्नोलोजी सहितको बीएस४इन्जिन जडान गरिएको छ । आई–ईजीआर र बीएस४ मापदण्ड जस्ता विशेषताका कारण यो बातावरणमैत्री र इन्धन किफयाती रहेको छ । साथै २४० एचपी पावर जेनेरेट गर्न सक्ने यो ट्रकले नेपालको जुनसुकै भुभागमा पनि उच्चपर्फमेन्स प्रस्तुत गर्न सक्ने सामथ्र्य राख्दछ ।

अशोक लेल्याण्डले यसमा जेडएफ ब्रान्डको प्रमाणित १११० गेयर वक्स दिएको छ । जसका कारण यसको ट्रान्समिसन इफिसेन्सि निकै नै अब्बल रहेको छ भने ड्राइभीङमा थकानको महशुस नहुने हुँदा स्मुथफिल गर्न सकिन्छ । रोवोस्ट चेसिस फ्रेममानिर्माण गरिएको यो ट्रक एकदमै वलियो, स्थिर र मजबुत छ ।

यो नयाँ ट्रकमा अत्याधुनिक बुगिस सस्पेन्सन रहेको छ, जसले भारी लोड सहज रुपमा बहन गर्दछ भने ट्रकको स्थिरता र यात्रा सुखदपुर्ण बनाउँछ । त्यस्तै यस ट्रकमा अधिकत मलोडिङ स्पान रहेको छ, जसले उपभोक्ताहरुलाई ढुवानीमा सहजदा दिलाउछ । नेपाली सडक र भुगोलकालागि एकदमै उपयोगीरहेको भन्दै सो कार्यक्रमा १४ जनाग्राहकले यसलाई वुकिङ गरेका छन् ।

शक्तिशाली इन्जिन, इन्धन किफायती विशेषता, अत्याधुनिक प्रविधीको ट्रान्समिसन र आईएमई मोटर्सले उपलब्ध गराउँदै आएको छिटो छरितो तथा प्रभावकारी आफ्टर सेल्स सर्भिसका कारण यो नयाँ ट्रकले नेपालको ढुवानी क्षेत्रमा निकै राम्रो प्रभाव पार्ने कम्पनीका प्रमुख कार्यकारी अधिकृत हेमन्त पुरानिकले बताए ।

उक्त कार्यक्रममा नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउत, उपाध्यक्ष भिम पौडेल, अशोक लेल्याण्डका कन्ट्रि म्यानेजर विप्लव पल र आइएमई मोटर्स प्रा.लि का कार्यकारी निर्देशक निशान ढकाल को उपस्थिति रहेको थियो ।