फुटबलमा एपोलो टायरको अभियान, म्यानचेस्टर युनाइटेडसँग सहकार्यका लागि तीन खेलाडी छनोट

काठमाडौं – प्रसिद्ध टायर निर्माता कम्पनी एपोलो टायरले ग्रासरुट फुटबल अभियानमा सहयोग पु-याउन युनाइटेड वि प्ले २०२४ को घोषणा गरेको छ । म्यानचेस्टर युनाइटेड फुटबल क्लबको समर्थन रहेको सो अभियान अन्तर्गत नेपाली युवा खेलाडीहरुलाई कौशल प्रदर्शनका लागि मौका प्रदान गरिन्छ ।

युनाइटेड वि प्लेको यो चौथो सिजन हो। यो भन्दा पहिले भारत, युएई, थाइल्यान्ड र नेपालमा यस प्रकारको विश्वव्यापी कार्यक्रम सम्पन्न भइसकेको छ । यस अनुसार २४ हजार भन्दा बढी खेलाडीहरु म्यानचेस्टर युनाइटेडको गृहनगर वर्ल्ड ट्राफोर्ड भ्रमण गर्ने अवसरका लागि सहभागी भएका थिए ।

अहिलेको सिजनका लागि सुवाश बम, बहादुर परियार र रोहित गोले फाइनल राउन्डका लागि छनोट भएका छन् । उनीहरु म्यानचेस्टर युनाइटेडका खेलाडीसँग विभिन्न क्रियाकलापमा सहभागी हुन पाउने छन् ।

एपोलो टायर, नेपालका कन्ट्री हेड राजेश दासले युनाइटेड वि प्लेका विजेताहरुलाई बधाई ज्ञापन गर्दै ८ सय भन्दा बढी बालबालिकाबाट छनोट भएका खेलाडीहरुको उज्वल भविष्यको कामना गरे ।

एपोलो टायर र म्यानचेस्टर युनाइटेडको संयुक्त आयोजनामा हुने युनाइटेड वि प्लेको थिम नै खेलाडी विकासका लागि विश्वव्यापी पहुँच उपलब्ध गराउनु र खेलमा संलग्न गराई उनीहरुलाई सके सम्म राम्रो पर्फमेन्स गर्ने बनाउनु रहेको बताइएको छ ।