सिएट र जेकेपछि अपोलोले पनि ल्यायो इभीको छुट्टै टायर

भारतका तीन ठूला टायर उत्पादक सिएट, जेके र अपोलोले केही दिनको अन्तरालमै धमाधम इभी विशेष टायर लन्च गरिरहेका छन् । केहि दिनपहिले मात्र सिएटले साउन्ड एव्जर्व गर्ने विशेषतासहितको इभी स्पेसल टायर लन्च गरेको थियो । त्यस लगत्तै जेकेले पनि इभीकै लागि भनेर विशेष प्रकारको टायर लन्च गरेको केही दिनपछि अर्को ठूलो उत्पादक अपोलोले पनि इभी स्पेसल टायर लन्च गरेको छ ।

अपोलोले इलेक्ट्रिक प्यासेन्जर कार र स्कुटरका लागी छुट्टाछुट्टै सव ब्रान्डमा नयाँ टायर लन्च गरेको हो । जसमध्ये वेभ व्रान्ड स्कुटरका लागि र एम्पेरियन प्यासेन्जर कारका लागी रहेको जनाइएको छ । इलेक्ट्रिक कारमा यो टायर प्रयोग गर्दा यसले दिने रेन्ज ८ प्रतिशतसम्म बृद्धि हुने कम्पनीको दावी छ । १९५ र २१५ एमएम ट्रिड साइजमा उपलब्ध यो टायर इलेक्ट्रिक एसयूभीका लागी टार्गेट गरि उत्पादन गरिएको हो ।

यसैगरी स्कुटरका लागि उसले एथर ४५० एक्स, टिभिएस आई क्यूव र बजाज चेतकलाई लक्षित गरी नयाँ विशेषताको टायर लन्च गरेको छ । यो टारले रोलिङ रेसिस्टेन्स र ट्रयाक्सन रेसिस्टमा महत्वपूर्ण भुमिका निर्वाह गर्ने बताइएको छ । निकट भविष्यमा इलेक्ट्रिक मोटरसाइकलका लागी समेत विशेष प्रकारको टायर लन्च गर्ने कम्पनीको तयारी छ ।