फिचर थप भएर आयो आपचे आरटिआर १६० फोर भीको स्पेशल एडिसन

टिभिएसले अपाचे आरटिआर १६० फोर भीको स्पेशन एडिसन लन्च गरेको छ । स्ट्यान्डर्ड भेरियन्टमा फिचर थप गरेर ल्याइएको यो मोटरसाइकल पर्ल ह्वाइट कलर अप्सनमा समेत उपलब्ध छ । जसको मूल्य भारतीय बजारमा १ लाख ३० हजार भारु निर्धरण गरिएको छ ।

यो नयाँ वाइकमा टिभिएसले नयाँ ग्राफिक्स समेत थप गरेको छ भने केही भागमा मेकानिकल परिवर्तन समेत गरेको देख्न सकिन्छ । यसमा नयाँ एक्जस्ट मफलरको प्रयोग गरिएको छ जसलाई टिभिएसले वुलपप एक्जस्ट नाम दिएको छ । यो एक्जस्टको प्रयोग वुलपप मेसिन गनबाट प्रेरित भई गरिएको कम्पनीको भनाई छ ।

केही नयाँ फ्रस्ट इन सेग्मेन्ट फिचर्स समेत थप गरिएको यसमा अर्वान, स्पोर्टस र रेन गरी तीन प्रकारका राइडिङ मोड दिइएको छ । साथै यसमा डुअल टोन कलरको सिट र एडजष्टेल ब्रेक तथा क्लच लिभर उपलव्ध गराइएको छ । यसका रातो र कालो कलरको एलोई ह्विल दिइएको छ ।

यो नयाँ वाइकमा यसअघिकै १५९.७ सीसी सिंगल सिलिन्डर, आयल कुल्ड, फोर भी इन्जिन जडान गरिएको छ । जसको अधिकतम पावर १७.३० बीएचपी र टर्क १४.७३ एनएम रहेको छ । यो वाइकलाई ११४ किलोमिटरसम्मको उच्च गतीमा हाँक्न सकिन्छ ।