यात्रीको अर्को स्पष्टिकरण : भाइरल तस्बिर परीक्षणको क्रममा रहेको चेसिसको हो, तस्बिर नयाँ हो

यात्री मोटरसाइकलको भाँचिएको चेसिसको वारेमा विभिन्न समाचार सार्वजनिक भइरहेको समयमा यात्री मोटरसाइकल्सले फेरि अर्को स्पष्टिकरण सार्वजनिक गरेको छ ।

यात्रीले सो तस्बिर आन्तरिक परीक्षणको क्रममा रहेको चेसिसको भएको र यसमा क्यामोफ्ल्याग नराखिएकोले शंका उत्पन्न भएको बताएको छ। त्यसैगरी सो तस्बिर पनि हालैको भएको उसले बताएको छ ।

त्यसैगरी पहिले नै बजारमा उपलब्ध भइसकेको यात्री पी–१ लाई अझै अप्टिमाइज गर्ने क्रममा रहेकाले यसको परीक्षण भइरहेको यात्रीले बताएको छ ।

परीक्षण र सुरक्षाको लागि यात्री पूर्ण रुपमा प्रतिवद्ध भएको र सन्दर्भविहीन सार्वजनिक गरिएको तस्बिरहरुबाट प्रभावित नहुन समेत यात्रीले अनुरोध गरेको छ ।