११ लाख भारुमा लन्च भयो नयाँ सेल्टोस, यस्तो छ विशेषता

कियाले नयाँ जेनेरेसस सेल्टोसलाई औपचारिक रुपमा लन्च गरेको छ । हुन्डाई क्रेटालाई सिधा टक्कर दिनेगरी तयार पारिएको नयाँ सेन्टोसलाई कम्पनीले सुरुवाती मूल्य १० लाख ९९ हजार भारुमा लन्च गरेको हो । नयाँ सेल्टोसलाई ८ भरिएन्टमा उपलब्ध हुने जनाइएको छ ।

हुन्डाई मोटर्सको के३ प्लेटफर्ममा निर्माण गरिएको नयाँ सेल्टोस सेग्मेन्टमै सबैभन्दा लामो ह्विलवेस भएको मोडल हो । पुरानो मोडलका तुलनामा एकदमै बोल्ड लुक्स दिइएको सो कारको अगाडि ठूलो टाइगर नोज ग्रिल, एकीकृत एलईडी हेडल्याम्प, ठाडो एलईडी डीआरएल, एल–आकारको एलईडी टेललाइट, नयाँ ओआरभीएम र फ्लश–फिटिङ डोर ह्यान्डल राखिएक छन् ।

कारको भित्री भागमा ३० इन्चको प्यानोरामिक डिस्प्लेको साथ नयाँ ड्यासबोर्ड लेआउट दिइएको छ । जसमा डुअल स्क्रिन, नयाँ ३–स्पोक स्टेयरिङ ह्वील, हेड–अप डिस्प्ले, प्यानोरामिक सनरुफ, रिक्लाइनिङ रियर सिटहरू, डुअल–जोन अटोमेटिक क्लाइमेट कन्ट्रोल, बोस साउन्ड सिस्टम, एआई एसिस्टेन्ट, ओभर–द–एयर क्षमता र लेभल २ प्लस जस्ता फिचर पाउन सकिन्छ ।

एसयूभीमा १.५ लिटर प्राकृतिक रूपमा एस्पिरेटेड पेट्रोल इन्जिन, १.५ लिटर टर्बो–पेट्रोल र १.५ लिटर डिजेल पावरट्रेको विकल्प दिइएको छ । नयाँ सेल्टोसमा ६ स्पीड म्यानुअल, ६ स्पीड आईएमटी आईभिटी, ७ स्पीड डिसिटी र ६ स्पीड अटोमेटिक ट्रान्समिसनको विकल्प पाइनेछ ।

नयाँ सेल्टोस नेपाली बजारमा समेत प्रतिक्षा गरिएको एसयूभी भएका कारण नेपालका लागि आधिकारिक वितरक कन्टिनेन्टल ट्रेडिङ इन्टरप्राइजेजले बिक्री छिट्टै यसको बिक्री थाल्ने अनुमान गर्न सकिन्छ ।