अजय देवगनले खरिद गरे पहिलो इलेक्ट्रिक कार, यस्तो छ विशेषता

बलिउड अभिनेता अजय देवगनले आफ्नो पहिलो ईभी कार अल न्यू बीएमडब्ल्यु आई७ किनेका छन् । यसको मूल्य १ करोड ९५ लाख भारु छ । यो ब्रान्डको प्रमुख ईभी सेडान कार हो । अजय देवगनको यो कारको भिडियो युट्युबमा सीएस१२ च्यानलले शेयर गरेकोछ । भिडियोमा कारलाई दुई पटक ट्राफिक सिग्नल पार गरेको देख्न सकिन्छ ।

आई७ को इन्टेरियर ७ सिरिजको नयाँ जेनरेशन फ्ल्यागशिप कार जस्तै छ । यसको इन्फोटेनमेन्ट सिस्टम र इन्स्ट्रयुमेन्ट क्लस्टरमा घुमाउरो स्क्रिन समावेश छ । साथै, अमेजन फायर टीभीको माध्यमले भिडियो स्ट्रिमिङका लागि ३१.३ इन्च, ८के सिनेमा स्क्रिन कारको छतमा जडान गरिएको छ । कारको पछाडिको ढोकामा ५.५ इन्चको टचस्क्रिन समावेश छ जसले इन्फोटेनमेन्ट सिस्टम, तापक्रम र सिट नियन्त्रण गर्छ ।

सो कारमा पावरको लागि आई७ एक्सड्राइभ ६० भेरिएन्टमा २ वटा इलेक्ट्रिक मोटर प्रयोग गरिएको छ । यसले ५४४ एचपी पावर र ७४५ एनएम टर्क जेनेरेट गर्छ । यसमा १०१.७ केडब्ल्युएच लिथियम आयन ब्याट्री समावेश छ । सो कारले ५९१ देखि ६२५ किमीको रेन्ज प्रदान गर्छ । आई७ को टप स्पिड २३९ किमी प्रतिघन्टा छ र ४.७ सेकेन्डमा ० देखि १०० किमी प्रति घन्टाको स्पिड दिन्छ ।