ट्राफिक लाइटमा अब एआई ह्वाइट लाइट पनि समावेश हुने

ट्राफिक लाइट देख्नु भएकै होला ? त्यसमा जम्मा ३ कलरका लाइट हुन्छन् । रातो, पहेँलो र हरियो । यसमा रातो लाइटले सवारी साधन रोक्ने, पहेँलो लाइटले प्रतीक्षा गर्ने र हरियो लाइटमा जाँदा हुन्छ भने संकेत दिएको हुन्छ । तर अब यो लाइटमा चौथौ लाइट पनि थपिने भएको छ । यो चौथौ लाइट आर्टिफिसियल इन्टेलिजेन्स हुनेछ ।

विशेषगरी सेल्फ ड्राइभिङ कार भएको मुलुकका लागि विकसित गरिएको सो लाइटको मुख्य उद्देश्य भनेको ट्राफिक सुव्यवस्थित गर्ने र सवारी साधनमा फ्युल खपत कम गर्नु हो । यसमा समयको साथै पैसाको पनि बचत हुनेछ । सेल्फ ड्राइभिङ सवारी साधनको लागि लन्च गर्न लागेको सो लाइट कम्प्युटर सिस्टमबाट अपरेट हुनेछ ।

नर्थ क्यारोलिना स्टेट युनिभर्सिटीका शोधकर्ताहरुले निर्माण गरेको सो एआई लाइटको परीक्षण भइसकेको छ । सो परीक्षण माइक्रो ट्राफिक सिम्युलेटरबाट गरिएको हो । सो परीक्षणमा सेल्फ ड्राइभिङ सवारी साधनले यसमा कसरी प्रतिक्रिया गर्छन् भन्ने पत्ता लगाइएको थियो ।

अब आश्चर्य लाग्न सक्छ एआई ह्वाइट लाइटले केको संकेत गर्छ भनेर ? ह्वाइट लाइटले कारलाई अगाडि पछ्याउनु पर्छ भन्ने संकेत दिन्छ ।

विश्वमा धेरै सवारी दुर्घटनाहरु ब्लाइन्ड स्पटका कारण हुने गरेको तथ्य पत्ता लागेका छन् । यस्तो अवस्थामा धेरै सवारीसाधन चोकमा आउँदा ह्वाइट लाइट सक्रिय हुनेछ । यस्तो अवस्थामा यी एआई लाइट र यो मेसिन लर्निङ सिस्टमले ट्राफिकमा जाम र जामबाट बच्न सही निर्णय लिन मदत गर्नेछ ।