सस्तो कारको बिक्रीमा धेरै ब्रान्डलाई पछि पा-यो मारुती सुजुकीले, यस्तो छ तथ्य

भारतका साथै नेपालमा समेत मारुती सुजुकीका कारहरु निकै लोकप्रिय छन् । विगत केही वर्षदेखि कम्पनीका कारहरू सर्वाधिक बिक्रीमा छन् ।

मार्च महिनामा भारतमा सबैभन्दा बढी माग भएका १० कारहरु मध्ये ६ वटा मोडल मारुतीका छन् । गत वर्षको मार्चमा १८ हजार ७५७ युनिट मारुतीका कार बिक्री भएका थिए भने यस वर्ष मार्चमा कुल २४ हजार ६३४ युनिट बिक्री भएका छन् ।

मारुती सुजुकीले हालै वागन आरको नयाँ मोडल पनि लन्च गरेको छ । यसको मूल्य ५ लाख ४० हजार तोकिएको छ र यसको टप मोडलको मूल्य ६ लाख ९८ हजार भारु तोकिएको छ ।

मार्च २०२२ मा मारुती सुजुकीको ह्याचब्याक कार वागन आरले अल्टो, हुन्डाई क्रेटा, टाटा नेक्सन, बलेनो, हुन्डाई भेन्यू, टाटा पन्च र किया सेल्टोसलाई पछि पार्दै सबैभन्दा बढि बिक्री हुने कारको उपाधि जित्न सफल भएको छ ।

अपडेट गरिएको वागन आरमा ३ सिलिन्डर १.० लिटर पेट्रोल इन्जिन जडान गरिएको छ । जसले एएमटी बक्सको साथमा २५.१९ किलोमिटर प्रतिलिटरको माइलेज दिन्छ । वागन आरको सीएनजी ट्रिम्सले नयाँ भेरिएन्टमा ३४.०५ किलोमिटर प्रति किलोग्रामको माइलेज दिने दाबी गरिएको छ । यसको १.२ एल मोटरले ८८.७ बीएचपीको पावर जेनेरेट गर्छ ।

वागन आरको विशेषता भनेको यसको पेट्रोल भेरिएन्ट आईएसएस र एजीएसमा हिल होल्ड असिस्टसँग जोडिएको छ । सो कारमा ४ स्पिकरको साथै १७.७८ सेमी स्मार्टप्ले, स्टुडियो, स्मार्टफोन कनेक्टिभिटी र नेभिगेसन उपलब्ध रहेको छ ।

कारमा कनेक्टेड ड्राइभिङ अनुभव प्रदान गर्न क्लाउडमा आधारित फिचर उपलब्ध छ । कारलाई २ वटा ड्युअल टोन कलर ग्यालेन्ट रेड विथ ब्ल्याक रुफ र म्याग्मा ग्रे विथ ब्ल्याक रुफ सहित विभिन्न नयाँ कलर विकल्पहरूमा पनि पेश गरिएको छ ।