सुजुकी गाडी किन्दा अब सांग्रिला डेभलपमेन्ट बैंकले कर्जा दिने

काठमाडौं- सिजि मोटोकर्प र सांग्रिला डेभलपमेन्ट बैंकविच कर्जा सेवा सम्बन्धमा सम्झौता भएको छ । सुजुकी गाडीको आधिकारिक बिक्रेता सिजि मोटोकर्पबाट गाडी किन्दा अब सांग्रिला डेभलपमेन्ट बैंकले कर्जा उपलब्ध गराउने छ ।

ग्राहकहरुले सिजि मोटोकर्पबाट नयाँ गाडी खरीद गर्न चाहेमा ९.५ प्रतिशत ब्याजदरमा गाडीको मूल्यको ५० प्रतिशत सम्म कर्जा सुविधा प्राप्त गर्न सक्नेछन् ।

सम्झौता पत्रमा बैंकको तर्फबाट सहायक महाप्रबन्धक रजित मास्के र सिजि मोटोकर्पका तर्फबाट कम्पनीका महाप्रबन्धक सिराज पन्तले हस्ताक्षर गरेका थिए ।