मध्य रातमा पार्टी बसलाई एम्बुलेन्सले हान्दा ……

गए राती करिव १० बजे तिर काठमाडौंको बानेश्वरमा चलिरहेको पार्टी बसलाई पछाडि आइरहेको एम्बुलेन्सले हान्दा दुर्घटना भएको छ । यसबाट बसको पछिल्लो भागमा केही क्षति पुगेको छ भने एम्बुलेन्सको अघिल्लो भाग पुरै क्षतिग्रस्त बनेको छ ।

यसबाट एम्बुलेन्स ड्राइभर घाइते बनेका छन् । अन्य कुनै क्षति भने भएको छैन ।

सत्यदेवी ३ धादिङस्थित मनाङथेन परिवारको सो एम्बुलेन्समा क्षति पुगेको हो । त्यसैगरी पार्टी बस चाहिं काठमाडौं उपत्यकामा बस भित्रै पार्टी गर्ने बसको रुपमा लोकप्रिय छ । पार्टी बसमा हाईफाई डिजे संगीत प्रणाली, सुविधा सम्पन्न बार, छुट्टै धुम्रपान क्याबिन, डान्स फ्लोर रहेको छ। कम्पनीले यस पार्टी बस प्रयोग गरे बापत विभिन्न शुल्क निर्धारण गरेको छ।