बीवाईडीका तीन ईभीले पाए भारतमा एआरएआई होमोलोगेसन, हट्यो आयातको सीमा

काठमाडौं–बीवाईडीले भारतमा बिक्री गर्दै आएका तीनवटा विद्युतीय मोडलका लागि अटोमोटिभ रिसर्च एसोसिएसन अफ इन्डिया (एआरएआई) बाट होमोलोगेसन प्रमाणपत्र प्राप्त गरेको छ । यससँगै ती मोडलको वार्षिक आयात सीमासमेत हटेको छ ।

होमोलोगेसन प्राप्त गर्ने मोडलमा बीवाईडी एट्टो३, ईम्याक्स७ र सिलायन७ रहेका छन् । यसअघि भारतीय नियमअनुसार विदेशी प्रमाणीकरणका आधारमा भारतीय बजारमा बिक्री हुने प्रत्येक मोडलको वार्षिक आयात सीमा २ हजार ५०० युनिट थियो । अब एआरएआईबाट प्रमाणीकरण पाएसँगै यी तीनवटै मोडल उक्त सीमाबिना आयात तथा बिक्री गर्न सकिने भएको छ ।

बीवाईडीका चारवटा मोडल भारतीय बजारमा बिक्री भइरहेका छन् । तीमध्ये सिल इलेक्ट्रिक सेडानले भने अहिलेसम्म एआरएआई होमोलोगेसन प्राप्त गरेको छैन । त्यसैले उक्त मोडलमा भने वार्षिक २ हजार ५०० युनिटको आयात सीमा कायमै रहनेछ ।

एआरएआई होमोलोगेसनले भारतीय सडकमा सवारी सञ्चालनका लागि आवश्यक प्राविधिक तथा सुरक्षा मापदण्ड पूरा भएको पुष्टि गर्छ । यसले कम्पनीलाई आयातको संख्या बढाउन र बजारको मागअनुसार सवारी उपलब्ध गराउन सहज बनाउनेछ ।

विशेषगरी बीवाईडी सिलायन७ का लागि यो निर्णय महत्वपूर्ण मानिएको छ । भारतमा यसको माग बढ्दै गएको अवस्थामा आयात सीमाका कारण बिक्री विस्तारमा परेको अवरोध हटेको छ । यसले बीवाईडीलाई भारतीय विद्युतीय सवारी बजारमा आफ्नो उपस्थिति थप विस्तार गर्न सहयोग पुग्ने अपेक्षा गरिएको छ ।

बीवाईडीले सन् २०२१ मा ई६ इलेक्ट्रिक एमपीभीमार्फत भारतीय बिजारमा प्रवेश गरेको थियो । त्यसपछि सन् २०२२ मा एट्टो३, सन् २०२४ मा सिल र ईम्याक्स७ तथा सन् २०२५ मा सिलायन७ बजारमा ल्याएको थियो ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...