नेपालगन्जमा नयाँ इलेक्ट्रिक एसयूभी ओमोडा ई५ प्रो सार्वजनिक

नेपालगन्ज – नेपालका लागि ओमोडा जेइको र आईकारको आधिकारिक वितरक पायोनियर मोटोकर्प अन्तर्गत बाँके तथा बर्दियाको लागि आधिकारिक वितरक सिद्धार्थ लिंक प्रालिले बहुप्रतिक्षित तथा अत्याधुनिक इलेक्ट्रिक एसयूभी नयाँ ओमोडा ई५ प्रो नेपालगन्जमा सार्वजनिक गरेको छ ।

यसअघि नै १,५०० भन्दा बढी युनिट सडकमा सञ्चालनमा आइसकेको ओमोडा ई५ को सफल यात्रालाई निरन्तरता दिँदै कम्पनीले अझ उन्नत प्रविधि, प्रिमियम डिजाइन र आधुनिक ड्राइभिङ अनुभवसहित नयाँ ई५ प्रो नेपाली बजारमा ल्याएको हो ।

सिद्धार्थ लिंकका प्रबन्ध निर्देशक विवेक कुमार श्रेष्ठको सभापतित्वमा गरिएको कार्यक्रममा प्रमुख अतिथि बाँके अटोमोबाइल्स एसोसिएसनका अध्यक्ष नरेन्द्र ओली, विशिष्ठ अतिथि नेपालगन्ज उद्योग वाणिज्य संघका वरिष्ठ उपाध्यक्ष चिरञ्जिवी वली, सिद्धार्थ लिंकका निर्देशक ऋषि राम कँडेल, शोरुम म्यानेजर राम बहादुर थापा, एसिस्टेन्ट म्यानेजर तपेन्द्र भट्ट सहितले नयाँ ओमोडा ई५ प्रोको अनावरण गरेका थिए । साथै नेपालगन्जका लागि गाडीको पहिलो ग्राहक चन्द्र सिंहलाई अतिथिहरुद्वारा साँचो हस्तान्तरण पनि गरिएको थियो ।

सो अवसरमा पत्रकार, व्यवसायी, ग्राहक, कन्टेन्ट क्रिएटर तथा विभिन्न क्षेत्रका प्रतिनिधिहरुको उपस्थिति रहेको थियो ।

नेपालमा पहिले नै १ हजार ५०० भन्दा बढी युनिट सडकमा गुडिसकेको ओमोडा ई५ को उत्कृष्ट सफलतालाई निरन्तरता दिँदै, नयाँ ओमोडा ई५ प्रो अझ उन्नत प्रविधि, प्रिमियम फिचर र अत्याधुनिक ड्राइभिङ अनुभवसहित आएको छ।

नेपालमा लन्च भएदेखि नै ओमोडा ई५ आफ्नो फ्युचरिस्टिक डिजाइन, उत्कृष्ट रेन्ज, उच्च ग्राउन्ड क्लियरेन्स र आधुनिक प्रविधिका कारण देशकै सबैभन्दा लोकप्रिय इलेक्ट्रिक एसयूभी मध्ये एक बन्न सफल भएको कम्पनीको भनाइ छ। नयाँ ओमोडा ई५ प्रोले यसै विरासतलाई अझ सुदृढ बनाउँदै नयाँ डिजाइन, स्मार्ट फिचर र आधुनिक नेपाली ग्राहकलाई लक्षित प्रिमियम अनुभव प्रदान गर्दछ।

नयाँ ओमोडा ई५ प्रोमा ५०.७ किलोवाट आवर ब्याट्री प्याक, ९९ किलोवाट इलेक्ट्रिक मोटर र २८८ एनएम टर्क रहेको छ, जसले ३५० किलोमिटर डब्लुएलटीपी रेन्ज प्रदान गर्दछ। साथै, १९१ एमएम ग्राउन्ड क्लियरेन्सका कारण यो नेपालका विभिन्न सडक अवस्थाका लागि उपयुक्त छ। यसमा १८–इन्च अलोय ह्विलहरू पनि समावेश छन्, जसले यसको स्पोर्टी र प्रिमियम उपस्थिति अझ आकर्षक बनाउँछ।

बाहिरी डिजाइन ओमोडाको फ्युचरिस्टिक डिजाइन फिलोसफीमा आधारित छ, जसमा बोल्ड फ्रन्ट फेसिया, एरोडायनामिक प्रोफाइल र विशेष फ्यान्टम विङ टेललाइटहरू समावेश छन्, जसले सडकमा शक्तिशाली उपस्थिति सिर्जना गर्दछ। भित्री भागमा प्रिमियम क्याबिन अनुभव, इलेक्ट्रिक सनरुफ, उच्च गुणस्तरका इन्टेरियर मेटरियल र आधुनिक प्रविधिको संयोजन रहेको छ।

यसमा ड्राइभर मसाज सिट, ८ सोनी स्पिकरहरूको इमर्सिभ अडियो सिस्टम र ठूलो १५.६ इन्च वाइडस्क्रिन इन्फोटेनमेन्ट डिस्प्ले समावेश छ, जसले ड्राइभिङ अनुभवलाई अझ प्रिमियम बनाउँछ।

सुरक्षाका दृष्टिले, यसमा १९ भन्दा बढी एडास अर्थात एड्भान्स्ड ड्राइभर असिस्टेन्स सिस्टमयुक्त फिचरहरू र ५४० डिग्री सराउन्ड भ्यु क्यामेरा प्रणाली रहेको छ, जसले चालकलाई उच्च सुरक्षा र आत्मविश्वास प्रदान गर्दछ।

नयाँ ओमोडा ई५ प्रोको आधिकारिक मूल्य सिंगल टोन भेरिएन्टका लागि ५१ लाख ५९ हजार तथा डुअल टोन भेरिएन्टका लागि ५१ लाख ९९ हजार रुपैयाँ निर्धारण गरिएको छ। सार्वजनिक भएको अवसरमा पायोनियर मोटोकर्प प्रालिले पहिलो ५० ग्राहकहरूका लागि ४९ लाख ९९ हजारको विशेष मूल्य र एक वर्षको निःशुल्क अटो प्लस इन्स्योरेन्स उपलब्ध गराउने घोषणा गरेको छ, जसले प्रारम्भिक ग्राहकहरूका लागि थप आकर्षक प्रस्ताव प्रदान गर्दछ।