पन्च ईभी फेसलिफ्ट २ सातापछि लन्च हुने, के–के हुँदैछ अपडेट ?

टाटा मोटर्सले पन्च ईभीको फेसलिफ्ट भर्सन लन्च हुने मिती घोषणा गरेको छ । टाटाले पन्च ईभीको फेसलिफ्ट फेब्रुअरी २० लन्च हुने घोषणा गरेको हो । पन्च ईभीले इसिई संस्करणमा जस्तै कस्मेटिक र फिचर अपडेटहरू प्राप्त गर्नेछ ।

सो ईभीमा शार्प देखिने एलईडी हेडल्याम्प र एलईडी डिआरएल सहितको पुनः डिजाइन गरिएको फ्रन्ट फेसिया उपलब्ध हुने अपेक्षा गरिएको छ ।

साथै एलईडी लाइट बारद्वारा जडान गरिएको एलईडी टेललाइटको नयाँ सेट समेत उपलब्ध हुने अनुमान गरिएको छ । कारमा बेस्पोक फ्रन्ट बम्पर र एयरो–अप्टिमाइज्ड ह्वीलसहित केही ईभी स्पेसिफिक परिवर्तन हुने अपेक्षा समेत गरिएको छ ।

यसअघि मिडलाइफ अपडेट प्राप्त गरेको पन्च ईभीमा रिफ्रेस गरिएको इन्टेरियर दिइएको थियो । आगामी संस्करणले उही आधुनिक लुकलाई अगाडि बढाउने सम्भावना देखिएको छ ।

कारमा टु–स्पोक स्टेयरिङ ह्वील, डिजिटल इन्स्ट्रुमेन्ट क्लस्टर, टच वेस्ड कन्ट्रोल एयर–कन्डिसनिङ सिस्टम र ठूलो सेन्ट्रल टचस्क्रिन उपलब्ध हुनेछ ।

पन्च ईभी फेसलिफ्ट रेगुलर पन्च झैं २५ किलोवाट आवर र ३५ किलोवाट आवरको ब्याट्री प्याकमा उपलब्ध हुने जनाइएको छ । यस कारले एकपटकको फुल चार्जमा ३६५ किलोमिटरसम्म रेन्ज दिने दाबी गरिएको छ ।