विश्वमै चर्चित छन् भारतका यी चार टायर ब्रान्डहरु

हालै सार्वजनिक भएको टायर बिजनेसको ग्लोबल टायर रिपोर्ट अनुसार ४ भारतीय टायर निर्माता कम्पनी अब विश्वका शीर्ष २० मा समावेश भएका छन् । एमआरएफ विश्वव्यापी सूचीमा १३औं स्थानमा रहेको छ, जबकि अपोलो टायर १४ औं स्थानमा, जेके टायर एन्ड इन्डस्ट्रीज १९ औं स्थानमा र सियट २०औं स्थानमा पर्न सफल भएक छन् ।

२०१३ देखि अपोलो टायरले आफ्नो टायरमा सुधार गर्दै आएको छ भने जेके टायर सोही अवधिमा ६ स्थान माथि उक्लिएको छ। सियटले पनि गत वर्ष उल्लेखनीय वृद्धि देखाएको छ । रिपोर्टका अनुसार भारतीय टायर उद्योगले आफ्नो उत्पादन क्षमता, प्रविधि लगानी र निर्यात-कुशलता सुधार गर्दै आएको छ।

भारतीय निर्माता स्पेसिफिक र हाई एन्ड परफर्मन्स क्षेत्रमा पनि विश्वव्यापी नेतृत्व स्थापित गरेको छ । रेसिङ टायर बनाउनमा एमआरएफ विश्वको नम्बर १ रेसिङ टायर निर्माता हो । एमआरएफ ४ प्लान्ट सहित मोटरसाइकल टायर निर्माणमा दोस्रो स्थानमा छ, त्यसपछि सियट ३ प्लान्ट सहित दोस्रो स्थानमा छ। फार्म टायर क्षेत्रमा एमआरएफ ७ प्लान्ट सहित विश्वको नम्बर २ निर्माता हो।

रिपोर्टका अनुसार सन् २०४७ सम्ममा भारतमा टायर उत्पादनको मात्रा लगभग चार गुणा बढ्ने अपेक्षा गरिएको छ, जबकि उद्योग राजस्व लगभग १२  गुणा बढेर लगभग १३ लाख करोड भारु पुग्ने अपेक्षा गरिएको छ।