महिन्द्रा बीई६ अव फर्मुला ई–एडिसनमा पनि, के–के छ विशेषता ?

महिन्द्राले फर्मुला–ई–थिममा आधारित विशेष संस्करण ‘बीई ६ फर्मुला ई एडिसन (एफई–२) सार्वजनिक गरेको छ । सो नयाँ संस्करणको सुरुवाती मूल्य २३ लाख ६९ हजार भारु निर्धारण गरिएको छ । थप सुविधासहितको एफई–३ भेरियन्टको मूल्य भने २४ लाख ४९ हजार भारु तोकिएको छ ।

कम्पनीका अनुसार, बुकिङ १४ जनवरी २०२६ देखि सुरु हुनेछ भने डेलिभरी १४ फेब्रुअरी २०२६ बाट प्रारम्भ हुनेछ । पहिले आउने ९९९ जना ग्राहकले विशेष सुविधाहरू पाउनेछन् । साथै, छनोट गरिएका तीन भाग्यशाली ग्राहकले २०२६ को लन्डन ई–प्रिक्स प्रत्यक्ष हेर्ने अवसर पाउनेछन् ।

यस संस्करणमा बीई–६ को आधारभूत प्रदर्शनलाई जोगाउँदै रेसिङ–थिमका विशेष फिचरहरू थपिएका छन् । यसले ०–१०० किमी÷घन्टा ६.७ सेकेन्डमा गति लिन सक्छ, २८२ बीएचपी पावर उत्पादन गर्छ र ७९ किलोवपाट ब्याट्री सहित करिब ५०० किमि वास्तविक रेंज प्रदान गर्छ । साथै, यसमा रेस–मोडबाट प्रेरित टर्क डेलिभरी पनि समावेश गरिएको छ ।

महिन्द्राले बीई ६ फर्मुला ई एडिसन राइड पनि सार्वजनिक गरेको छ । जुन बालबालिकाका लागि तयार गरिएको रमाइलो, रेस–थिमको टोडलर कार हो । यसको मूल्य १८ हजार भारु तोकिएको छ र अप्रिल २०२६ देखि उपलब्ध हुनेछ । कम्पनीले यसको डिजाइनलाई पुरै आकारको एसयूभीसँग मिल्दोजुल्दो बनाएको बताएको छ जसले साना बालबालिकामाझ इभि (इलेक्ट्रिक) को आकर्षण बढाउने लक्ष्य राख्छ ।

कम्पनीका अनुसार, भारतमा द्रुत रूपमा बढिरहेको मोटरस्पोर्ट लोकप्रियतालाई सम्मान गर्दै यो संस्करण सार्वजनिक गरिएको हो । महिन्द्राले आफ्नो लामो मोटरस्पोर्ट यात्रा र्याली स्पोर्टदेखि फर्मुला–ई ग्रिडमा जित हासिल गर्ने एकमात्र भारतीय टोली सम्मको अनुभवलाई सडकमा ल्याएको दाबी गरेको छ । यस संस्करणमा मोटरस्पोर्ट प्रेरित स्टाइलिङ, ग्राफिक्स र इन्टेरियर डिटेलिङलाई प्राथमिकता दिइएको छ ।