यामाहाले ल्यायो एफजेड सिरिजमा सबैभन्दा सस्तो मोडल, मूल्य कति ?

यामाहाले एफजेड सिरिजमा अर्को नयाँ मोडल ‘एफजेड–रेभ’ थपेको छ । भारतीय बजारमा लन्च भएको उक्त मोटरसाइकल एफजेड सिरिजकै सबैभन्दा सस्तो मोडल हो । जसको मूल्य १ लाख १७ हजार भारु निर्धारण गरिएको छ ।

सो नयाँ मोटरसाइकललाई किफायती बनाउने सानो एलसिडी इन्स्ट्रयुमेन्ट कन्सोल र सिंगल च्यानल एबिएस जडान गरिएको छ । बाइकमा स्पोर्टी हेडल्याम्प, मस्कुलर फ्यूल ट्यांक, सिंगिल पिस सिट र एलईडी टेललाईट दिइएको छ ।

म्याट टाइटन र मेटालिक ब्ल्याक रङ अप्स्नमा उपलब्ध एफजेड–रेभमा रातो कलरको एलोई ह्विल राखिएको छ । अगाडी अगाडि टेलिस्कोपिक फोर्क र पछाडि मोनो–शक सस्पेन्सन जडान गरिएको बाइको दुबै चक्कामा डिस्क ब्रेक उपलब्ध गराइएको छ ।

एफजेड–रेभमा १४९ सिसी क्षमताको सिंगल–सिलिन्डर, एयर–कूल्ड इन्जिन जडान गरिएको छ, जसले १२.२ बिएचपी पावर र १३.३ एनएम टर्क जेनेरेट गर्दछ । बाइकमा ५ स्पिड गियरवक्स दिइएको छ ।