नेपालमा कुन नयाँ मोटरसाइकल लन्च गर्दैछ रोयल इन्फिल्ड ?

काठमाडौं – नेपाली बजारमा रोयल इन्फिल्डको नयाँ मोटरसाइकल लन्च हुँदैछ । रोयल इन्फिल्डको नेपालका लागि आधिकारिक वितरक अल्फा अटोमोटिभले यसको संकेत स्वरुप एक टिजर सार्वजनिक गरेको छ ।

सो टिजरमा नयाँ कुन मोटरसाइकल लन्च हुने हो भन्ने वारेमा भने स्पष्ट जानकारी दिइएको छैन । सो टिजरमा ‘कमिङ सुन’ पश्चात ‘एनिथिङ, एनिटाइम, एनिह्वेयर’ मात्र लेखिएको छ र १८.१०.२०२५ स्टे ट्युन्ड लेखिएको छ ।

यस अनुसार आगामी अक्टोबर १८ अर्थात शनिबार रोयल इन्फिल्डको कुनै नयाँ मोटरसाइकल लन्च हुने अनुमान गर्न सकिन्छ ।

यस अनुसार कमेन्टमा धेरैले सुपर मेटियर, नयाँ कलर र स्लिपर क्लच सहितको मेटियर, गुरिल्ला, स्क्राम लगायतका नयाँ मोटरसाइकल नेपाली बजारमा लन्च हुने अनुमान समेत गरेका छन् ।

नेपालका लागि रोयल इन्फिल्डको आधिकारिक वितरक अल्फा अटोमोटिभले पनि यस वारेमा कुनै औपचारिक जानकारी भने सार्वजनिक गरेको छैन । यद्यपि अनौपचारिक रुपमा प्राप्त जानकारी अनुसार रोयल इन्फिल्ड स्क्राम ४४० नेपाली बजारमा लन्च हुनेछ । टिजर इमेज हेर्दा पनि उस्तै देखिन्छ ।

नयाँ रोयल इन्फिल्ड स्क्राम ४४० को साइज रोयल इन्फिल्ड स्क्राम ४११ जस्तै छ। यसमा नयाँ एलईडी हेडलाइट, ठुलो इन्धन ट्याङ्की, नयाँ सिट र ट्वीक गरिएको टेल सेक्शन पनि छ ।

बाइकमा ४४३ सीसी, एयर र आयल कुल्ड, सिंगल सिलिन्डर इन्जिन प्रयोग गरिएको छ, जसले २५.४ पीएस पावर र ३४ एनएम टर्क उत्पन्न गर्छ । यसको इन्जिन ६ स्पिड ट्रान्समिसनसँग जोडिएको छ ।

फिचरका लागि स्क्राम ४४० मा नयाँ एलईडी हेडलाइट, नयाँ इन्स्ट्रयुमेन्ट कन्सोल, नयाँ सिंगल पिस सिट, यूएसबी चार्ज पोर्ट, ट्रिपर नेभिगेसन पोड र राउन्ड रियर भ्यू मिरर उपलब्ध छ ।

नयाँ स्क्राम ४४०मा १९० एमएम ह्विल ट्राभलको साथ ४१ एमएमको टेलिस्कोपिक फोर्क र १८० एमएम ह्विल ट्राभलको साथ मोनोशक सस्पेन्सन दिइएको छ । यसको अगाडि ३०० एमएम डिस्क ब्रेक र पछाडि २४० एमएम डिस्क ब्रेक छ। यसमा ड्युअल च्यानल एबीएस पनि दिइएको छ । बाइकमा १९ इन्चको फ्रन्ट र १७ इन्च रियर ह्विल दिइएको छ जसमा अगाडि १०० सेक्शन र पछाडि १२० सेक्शन ब्लक प्याटर्न टायर प्रयोग गरिएको छ । यसको इन्धन ट्याङ्कीको क्षमता १५ लिटर छ ।

नयाँ रोयल इन्फिल्ड स्क्राम ४४० को मूल्य र अन्य फिचर भने आगामी शनिबार नै सार्वजनिक हुनेछ । यसको मूल्य ७ लाख रुपैयाँ हाराहारी हुने अनुमान गर्न सकिन्छ ।