फोटोन ईभी किन्दा यामाहा मोटरसाइकलदेखि टीभी र फ्रिजसम्म उपहार पाइने, नगद छुट पनि

काठमाडौं– दशैं नजिकिँदै गर्दा फोटोन नेपालले आफ्ना ग्राहकहरूलाई खुसी बनाउने उद्देश्यले आफ्ना चर्चित मोडलहरू फोटोन ईभी भ्यान र फोटोन टीएम१ मा लिमिटेड टाइम स्पेसल अफर ल्याएको छ । यसले नेपालीहरूको महान चाडको बेलामा गाडी लिन अझ सजिलो, लाभदायक र रमाइलो बनाउने विश्वास कम्पनीले लिएको छ ।

ईभी भ्यान बुक गर्ने ग्राहकहरूले यामाहा बाइक, ५५ इन्चको स्मार्ट टीभी, वाशिङ मेसिन र फ्रिज जस्ता आकर्षक उपहार पाउने जनाइएको छ । साथै, हरेक बुकिङमा स्योरशट ग्याजेट सामसुङ मोबाइल उपहारको रूपमा दिइनेछ, जसले यो उत्सवमा फोटोन परिवारमा जोडिन अझ सजिलो र फाइदाजनक बनाउने छ ।

यो उपहारसँगै यस अफरमा १ वर्षको फुल इन्स्याेरेन्स (अटो प्लस) र क्यासलेस इन्स्याेरेन्स समावेश छन् । फोटोनले ग्राहकहरूको सहजताका लागि थप सुविधा स्वरूप ५ पटकसम्म निःशुल्क सर्भिसिङ र फ्रन्ट ब्रेक प्याडको सेट पनि निःशुल्क उपलब्ध गराउने छ । ग्राहकका लागि अन्तिम बोनस स्वरूप, पूरा आर्थिक वर्षको रोड ट्याक्स पनि कम्पनीले नै व्यहोर्ने बताइएको छ ।

त्यसैगरी, टीएम१ मा नगद छुट ६ लाख ७५ हजार उपलब्ध हुने कम्पनीको भनाइ छ । साथै, हरेक खरिदकर्ताले स्योरशट बुकिङ उपहार पाउनेछन् । सुरक्षा र निश्चिन्तताको लागि यस स्किममा १ वर्षको सम्पूर्ण सवारी बीमा र क्यासलेस बीमा निःशुल्क पाइने छ । त्यसैगरी, पूरा आर्थिक वर्षको रोड ट्याक्स पनि कम्पनीले नै भर्ने भएकाले यो अफर अझै सजिलो र लाभदायक बनेको छ ।

कम्पनीका अनुसार, यी अफर मार्फत फोटोन नेपालले केवल गाडी मात्र होइन, भ्याल्यु, केयर र इको–फ्रेन्डली मोबिलिटी पनि उपहार दिनेछ । ईभी भ्यान र टीएम१ दुवै कम्फर्ट, इफिसियन्सी र रिलायबिलिटीका लागि बनेका गाडीहरू हुन्, जसमा अब दशैं–तिहार बोनस पनि थपिएको छ ।