इतिहासमा आज : जब एउटा गाडी ऊर्जा मन्त्रालयको प्राङ्गणमा प्रवेश ग-यो

बीवाईडीको नेपालका लागि आधिकारिक वितरक साइमेक्स इंककी प्रबन्ध निर्देशक यमुना श्रेष्ठले आज विहानै सामाजिक सञ्जाल फेसबुकमा एक पोस्ट राख्दै भनेकी छिन् – आजकै दिन ७ वर्षअघि ऊर्जा मन्त्रालयमा दिएको हाम्रो सानो योगदान सम्झँदा हृदय अझै उतिकै उत्साहित हुन्छ। त्यो पल, जब एउटा गाडी ऊर्जा मन्त्रालयको प्राङ्गणमा प्रवेश ग-यो, हाम्रो लागि साधारण उपलब्धि मात्र थिएन। त्यो दिन हामीले अनुभूत गरेको खुसी, गर्व र उमङ्ग आज पनि उस्तै ताजा छ। वास्तवमै, त्यो पलले हामीलाई मानौँ कुनै ठूलो युद्ध जितेजस्तो आत्मसन्तुष्टि र विजयको अनुभूति दिएको थियो। यसका साथमा उनले सो गाडीको तस्बिर समेत सेयर गरेकी छिन् ।

हुन पनि बीवाईडीले हाल विश्व बजारमा समेत चर्चा कमाइरहेको समयमा नेपालमा समेत राम्रो चर्चा बटुलिरहेको छ । विद्युतीय सवारी अर्थात ईभीको बजार सबैतिर राम्रो भएको समयमा नेपालमा समेत बढ्दै छ । यो बजार विस्तारमा अन्य ब्रान्डका अलावा बीवाईडीको विशेष योगदान छ ।

तर बीवाईडी एकै पटक यसरी नेपाली बजारमा उदाएको होइन । साइमेक्स इंकले पनि यसका लागि धेरै नै कठिन संघर्षको सामना गरेको छ । साइमेक्स इंकले पहिले इन्भर्टर र सोलार ब्याट्रीलगायतका विभिन्न उत्पादनहरु बिक्री गर्ने गरेको थियो । कुनै समयमा नेपालमा लोडसेडिङ हुने समयमा प्रशस्तै व्यापार गरेको साइमेक्स इंकको व्यवसाय नेपालमा लोडसेडिङ अन्त्य पश्चात भने इलेक्ट्रिक कारतर्फ मोडियो ।

लोडसेडिङ अन्त्य पश्चात नेपाली बजारमा पहिलो पटक सन् २०१७ को मार्चमा बीवाईडी ई६ इलेक्ट्रिक कार भित्र्याएर साइमेक्स इंक यो क्षेत्रमा प्रवेश गरेको थियो । शुरुमा १० युनिट गाडी नेपालमा भित्र्याएको यो समूहले भित्र्याएको गाडी प्रयोग गर्ने पहिलो व्यक्ति थिए तत्कालीन राष्ट्रिय योजना आयोगका सदस्य स्वर्णिम वाग्ले । त्यसको केही समय पछि मन्त्रालयले समेत बीवाईडीको गाडी प्रयोग गरेको श्रेष्ठको भनाइ छ । विशेष गरी सरकारी क्षेत्रलाई नै विद्युतीय सवारीको वारेमा धेरै जानकारी प्रदान गर्नमा साइमेक्स इंकले धेरै भूमिका खेलेको छ ।

पहिले विद्युतीय कारको प्रयोग नबढेकै समयमा पनि राष्ट्रपति, उर्जामन्त्री, विद्युत प्राधिकरणका उच्च पदस्थ कर्मचारी लगायत प्रतिष्ठित व्यक्तिहरुले बीवाईडीका इलेक्ट्रिक कार प्रयोग गर्ने गरेका थिए । यसरी सबैतिर इलेक्ट्रिक कारको प्रयोग बढाउनुमा बीवाईडी नेपाल अर्थात साइमेक्स इंकको महत्वपूर्ण भूमिका छ ।

हाल नेपाली बजारमा बीवाईडीका एट्टो १, एट्टो २, एट्टो ३, डल्फिन, सिल, एम६ लगायतका मोडल उपलब्ध छन् ।