हुन्डाई, बीएमडब्ल्यू, केई र फर्थिङ गाडीको अनुभव एकै छानामुनी

काठमाडौं–लक्ष्मी ग्रुप अन्तर्गतको अटोमोटिभ डिभिजनले एक विशेष पारिवारिक कार्यक्रम सुरु गरेको छ । आफ्ना ग्राहकलाई लक्षित गरी यो समूहले दुई दिने ‘लक्सपेरिएन्स’ आयोजना गरेको हो । जहाँ, लक्ष्मी ग्रुप अन्तर्गत बिक्री हुने हुन्डाई, बीएमडब्ल्यू, केई र फर्थिङ गाडीलाई एउटै छानामुनी प्रदर्शनी गरिएको छ । ‘जोय, ड्राइभ, फुड’ नाराका साथ आयोजना गरिएको यस कार्यक्रम आइतबारसम्म सञ्चालन हुनेछ ।

यी ब्रान्डहरूले प्रिमियमदेखि व्यावहारिक सम्मका विभिन्न मोडलहरू प्रस्तुत गरेका छन् । जसले सबै वर्गका ग्राहकहरूलाई आकर्षित गर्ने अपेक्षा गरिएको छ । ‘लक्सपेरिएन्स’ केवल गाडीको प्रदर्शनी मात्र नभएर एक पूर्ण मनोरञ्जनात्मक उत्सवका रूपमा प्रस्तुत गरिएको कम्पनीले जनाएको छ ।

बीएमडब्ल्यू एक्सपिरेन्स ड्राइभ अन्तगर्त बीएमडब्ल्यूका सवारी साधन चलाएर अनुभव लिने अवसर प्राप्त हुनेछ । लाइभ संगीतको आनन्द लिने र विभिन्न रमाइला खेलहरूमा सहभागी हुने मौका मिल्नेछ । कार्यक्रममा सहभागी हुनेहरूका लागि आकर्षक उपहार र पुरस्कारहरूको व्यवस्था गरिएको छ ।

परिवारका लागि निःशुल्क पौडी खेल्ने सुविधा र बच्चाहरूका लागि विशेष किड्स जोनको व्यवस्था गरिएको छ । नेल आर्ट, मेहेन्दी, गाडीको एक्सचेन्ज तथा मूल्याङ्कन, फाइनान्स तथा बिमासम्बन्धी जानकारी र थप रमाइला गतिविधिहरूले अवलोकनकर्तालाई आकर्षित गरेको छ ।