नाडा अटो शोको ‘हट केक मोडल’ बन्न सक्ने बीवाईडी एट्टो२, यस्तो छ फिचर र पर्फमेन्स

काठमाडौं–बीवाईडीको नेपालका लागि आधिकारिक वितरक साइमेक्स इंक प्रालिले नाडा अटो शोका लागि भनेर एट्टो२ भित्र्याइसेको छ । केहि दिनअघि मात्रै सम्पन्न नाइमा मोबिलिटी एक्सपोमा एट्टो१ लन्च गरेर ठूलो संख्यामा बुकिङ पाएको कम्पनीले नाडा अटो शोमा पनि एट्टो२ लाई ‘हट केक मोडल’का रुपमा प्रस्तुत गर्ने तयारी थालेको हो ।

बीवाईडीको डल्फिनभन्दा माथी र एट्टो३ भन्दा तल्लो रेन्जमा उपलब्ध हुने एट्टो२ ले कम बजेटमै एउटा विश्वासिलो विद्युतीय एसयूभी खोज्ने ग्राहकको चाहना पुरा गर्ने देखिन्छ । साइमेक्स इंकले यस एसयूभीलाई ४५ देखी ५० लाखको विचमा बिक्री थाल्ने अनुमान गर्न सकिन्छ ।

बीवाईडीको ई–प्लेटफर्म ३.० मा बनेको एट्टो२ मा अल्ट्रा सेफ ब्लेड ब्याट्रीका साथै सेल टु प्याक बडी प्रबिधी दिइएको छ । यसमा १२.८ इन्चको रोटेटिङ टच स्त्रिफ राखिएको छ भने इन्टेरियर निकै सफाचट र आकर्षक रहेको छ ।

यस कारको लम्बाई ४३१० एमएम, चौडाई १८३० एमएम, उचाई १६७५ एमएम र ह्विलवेस २६२० एमएम छ । साइडमा १७ इन्चको अलोय ह्वीलसँगै ब्ल्याक कलरको ह्वील आर्क र बडी क्लाइडिङले यसको लुक्समा निखार दिएको छ । पछाडि एलईडी लाइटबारको साथमा फरक डिजाइनको इन्फिनिटी रिङ प्यार्टन छ । उक्त प्यार्टनले एटो–टुलाई युनिक भिजुअल सिग्नेचर दिएको छ ।

साथै, यस कारमा जडान गरिएको ४५.१ किलोवाट आवार क्षमताको ब्याट्रीले एकपटकको फुल चार्जमा ३१० किलोमिटर रेन्ज दिने कम्पनीले दाबी गरेको छ । ब्याट्रीलाई ७ किलोवाटको एसी र ८२ किलोवाटको डीसी फास्ट चार्जर प्रयोग गरेर चार्ज गर्न सकिन्छ । एट्टो२ मा उपलब्ध १०० किलोवाट क्षमताको मोटरले २९० एनएम टर्क जेनेरेट गर्दछ ।

सुरक्षाका लागि यसमा ६ वटा एयरब्याग, ३६० डिग्री सराउन्ड भ्यू क्यामेरा, हिल होल्ड एसिस्ट र दर्जनौ सेफ्टि फिचर सामेल लेभल–२ एडास दिइएको छ । यस कारले यरो एनक्यापको क्र्यास टेष्टमा ५ स्टार रेटिङ पाएको छ ।

बीवाइडीले यसमा ५० वाटको वायरलेच चार्जिङ प्याड, सेन्टर कन्सोल स्टोरेज कम्पार्टमेन्ट, पावर्ड एण्ड भेन्टिलेटेड फ्रन्ट सिट, लेदरेट सिट कभर, ८ वटा स्पीकर, वायरलेस एप्पल कार प्ले र एन्ड्रोइड अटो, भोइस असिस्ट, प्यानारोमिक सनरुफ, इलेक्ट्रीक टेलगेट जस्ता बहु उपयोगी फिचर दिएको छ ।

बीवाईडीको एट्टो२ को प्रतिस्पर्धीका मरुपमा एमजी एस५, लिपमोटर बी१०, फरथिङ फ्राईडे र हुन्डाई क्रेटा रहेका छन् । साथै, नाडा अटो शोमार्फत नै लन्च हुने तयारीमा रहेको अर्को नयाँ विद्युतीय एसयूभी नामी०६ समेत यसको नजिकको प्रतिस्पर्धी हो ।