होन्डाले साइन–१०० मा आधारित नयाँ इलेक्ट्रिक मोटरसाइकल ल्याउने

होन्डाले आफ्नो चर्चित कम्यूटर बाइक साइन–१०० मा आधारित नयाँ इलेक्ट्रिक मोटरसाइलको पेटेन्ट दायर गरेको छ । केहि समयअघिमात्र इलेक्ट्रिक स्कुटर एक्टिभा ई सार्बजनिक गरेको होन्डाले अव मोटरसाइकललाई पनि इलेक्ट्रिक भर्सनमा ल्याउने तयारी थालेको हो ।

पेटेन्ट दायर गरिएको तस्विरमा ट्यूबलर फ्रेमको साथ एक विशिष्ट कम्युटर बाइकको डिजाइन पेस गरिएको छ । ई–बाइकमा ¥यापराउन्ड हेडल्याम्प र पछाडि ग्र्याब ह्यान्डलको साथ फ्ल्याट, सिंगल–पीस सिट छ ।

ब्याट्री प्याकलाई इन्जिन भएको ठाउँमा राखिएको छ भने क्र्याडलभित्र इलेक्ट्रिक मोटर देखाइएको छ । यस मोटरसाइकलमा प्रयोग हुने ब्याट्री प्याक भने होन्डाले आफ्नो इलेक्ट्रिक स्कुटर एक्टिभा ईबाट ल्याउन सक्ने अनुमान गरिएको छ ।

भारतमा हाल रिभोल्ट, ओवेन र ओला लगायत थप केही टु–ह्विलर ब्रान्डले इलेक्ट्रिक मोटरसाइकलमा काम गरिरहेका छन् ।