सोलिड स्टेट ब्याट्री मास मार्केटमा आउन लामो समय लाग्ने, विज्ञहरुले औँल्याए यस्ता चुनौती

पछिल्लो समय निकै नै चर्चा पाइरहेको सोलिड स्टेट ब्याट्री मास मार्केटमा आउन अझै लामो समय लाग्ने देखिएको छ । उच्च ऊर्जा घनत्व र द्रुत चार्जिङ जस्ता विशेषताका कारण नयाँ ऊर्जा युगका लागि आदर्श ऊर्जा समाधानको रूपमा घोषणा गरिएको सोलिड स्टेट ब्याट्रीको उत्पादनले गती लिन ढिलाई हुने बैज्ञानिकहरुले ठहर गरेका हुन् ।

चीनका अधिकांश अटोमेकरले २०२६ को सुरुवातदेखि नै यो ब्याट्रीलाई मास मार्केटमा ल्याउने घोषणा गरेपनि विज्ञहरूले अब यी लक्ष्यहरू अवास्तविक हुन सक्ने सुझाव दिन थालेका छन् ।

हालै २०२५ चाइना अटोमोटिभ फोरममा, चाइना अटोमोटिभ टेक्नोलोजी रिसर्च सेन्टरका प्रमुख वैज्ञानिक वाङ फाङले सोलिड स्टेट ब्याट्रीहरूले पार गर्नुपर्ने चार महत्वपूर्ण समस्याहरू पहिचान गरे । उनका अनुसार, सोलिड स्टेट ब्याट्रीले हाल अस्पष्ट आयन कन्डक्सन च्यानल, जटिल उत्पादन प्रक्रिया, अपर्याप्त सुरक्षा नियन्त्रण र उच्च मात्रामा उत्पादन जस्ता चुनौतीहरू सामना गरिरहेको छ ।

लिक्विड ब्याट्रीको तुलनामा सोलिड स्टेट ब्याट्री सुरक्षाका हिसावले निकै नै संवेदनशिल हुने कारण सवारीसाधनमा प्रयोग अघि गम्भिर बन्नुपर्ने वाङको धारणा थियो । उनको यस भनाईलाई पछिल्लो समय ईभीमा निम्तिएका अगालागीको घटानासंग जोडेर निकै गम्भिरताका साथ हेरिँदै आएको छ भने केही अटोमेकरहरूले सुरक्षाप्रति आफ्नो प्रतिबद्धता प्रदर्शन गर्न प्रायः राष्ट्रिय मापदण्डहरू पार गर्दै कठोर परीक्षण प्रोटोकलहरू लागू गरिरहेका छन् ।

अर्कोतर्फ, हालका वर्षहरूमा अटोमोटिभ बजारको परिदृश्य परिवर्तन भएको छ । केही समयअघिसम्म गुमनामजस्तै बनेको हाइब्रिड सवारी साधनको बिक्रीले हालैका दिनहरुमा गति लिन थालेको छ । चीनमा पछल्लो समय हाईब्रिड कारको बिक्री ३० प्रतिशत भन्दा बढिले बृद्धि हुँदा एक्सटेन्डेड रेन्ज हाईब्रिडको १५ प्रतिशत माथी छ । यसले पनि भोलिका दिनमा ब्याट्री इलेक्ट्रिक कारको बिक्री क्रमश घट्दै जाने र सोलिड स्टेट ब्याट्रीमा अटोमेकर खासै उत्साहित नहुने देखाउँछ ।

परम्परागत लिथिम ब्याट्रीको तुलनमा ३ गुणा बढि महंगो पर्ने कारण सोलिड स्टेट ब्याट्रीले ईभीको लागत निकै बढाउँने विभिन्न अध्यानहरुले देखाएका छन् । यसले पनि यो नयाँ प्रबिधीलाई छिट्टै मास मार्केटमा आउन कठिन बनाउने देखिन्छ ।