सिएट टायरको रिटेलर मिट सम्पन्न, टु–ह्विलरमा नम्वर–वान दाबी

काठमाडौं–सिएट टायरको नेपालका लागि आधिकारिक वितरक एसटिसी अटो प्रालिले रिटेलर मिट सम्पन्न गरेको छ । बुधबार काठमाडौंमा आयोजित एक कार्यक्रममा सिएट टायर इण्डियाका प्रतिनिधी, एसटिसी अटोका सञ्चालकहरु र उपत्यकाका १०० भन्दा बढि रिटेलर सहभागी थिए ।

कार्यक्रममा आफ्नो स्वागत मन्तव्य राख्दै एसिटीसी अटोका प्रबन्ध निर्देशक सुरेन्द्रकुमार उप्रेतीले सिएट टायर नेपाली ग्राहकको रोजाइमा पहिलो रहँदै आएको बताए । उनले भने, ‘उच्च गुणस्तर र भरपर्दो सेवाका कारण सिएट टायरका सबै रेन्ज नेपाली बजारमा सफल बनिरहेका छन् । हामीसंग टु–ह्विलरदेखि प्यासेन्जर कार, कमर्सियल भेइकल र हेभी इक्विपमेन्टसम्ममा प्रयोग हुने सम्पूर्ण रेन्ज उपलब्ध छ । रिटेलर साथीहरुले दिनु भएको साथ र हौसलाका कारण हामी टु–ह्विलर सेग्मेन्टमा नम्वर–वान वनेका छौ ।’

सिएट भारत र नेपालको दुबै बजारमा लोकप्रिय बनिरहेको सिएट टायर इण्डियाका इन्टरनेश्नल विजनेस हेड रजनिश कुमार शाहले बताए । ‘टु–ह्विलर सेग्मेन्टमा हामी विगत लामो समयदेखी भारत र नेपाल दुबै देशमा नम्वर–वानको अवस्थामा छौ । यसैगरी, प्यासेन्जर कार र कमर्सियल भेइकलमा पनि हाम्रो हिस्सा विस्तार भैरहेको छ’ उनले भने, ‘भारतसहित विश्वका ६ स्थानमा प्लान्ट रहेको यस कम्पनीले वार्षिक १ करोड ५० लाख टायर उत्पादन गर्दै आएको छ । सिएट टायर अहिले विश्वका १३० भन्दा बढि देशमा बिक्री हुँदै आएको छ ।’

नेपाल आँफूहरुका लागि विशेष बजार रहँदै आएको सिएटको नेपालका लागि कन्ट्रि म्यानेजर अरुणकुमार सेनले बताए । ‘नेपालमा हाम्रो बजार हरेक वर्ष विस्तार भैरहेको छ । नेपाली उपभोक्ताले यसको प्याट्रन, गुणस्तर र बिक्रीपछिको सेवालाई रुचाएकै कारण हामीले टु–ह्विलर सेग्मेन्टमा बजारको नेतृत्व लिन सकेका हौं’ उनले भने । वारेन्टि अवधीभित्र कुनै खरावी आए तत्कालै रिप्लेसमेन्ट सेवा दिनेगरेको उनले बताए ।

आवाज एकमदै कम आउने, लामो समयसम्म टिक्ने र माइलेज बढि पाइनेजस्ता विशेषताका कारण सिएटका उत्पादन लोकप्रिय बन्दै गएका हुन् ।

सन् १९२४ मा इटालीबाट उत्पादन सुरु गरेको सिएट विश्व टायर बजारमा पुरानोमध्ये एक ब्रान्डका रुपमा परिचित छ । सन् १९८२ मा भारतको आरपिजी ग्रुपले स्वमित्व लिएपछि आक्रमक रुपमा बजार विस्तार गरिरहेको यस ब्रान्ड विश्वका १० ठूला टायर उत्पादक मध्येमा गनिन्छ ।

सिएटले ‘जेडी पावर कस्टुमर स्याटिस्फेक्सन’मा नम्वर वान स्थान हाँसिल गरिसकेको छ । साथै, यसले सन् २०२३ मा ‘डेमिङ ग्राण्ड अवार्ड’ समेत प्राप्त गरेको छ । जापानबाहिर विश्वमै पहिलोपटक यस्तो प्रतिष्ठित अवार्ड पाउने सिएट पहिलो टायर ब्राण्ड हो ।