बजाज मोटरसाइकलको मूल्य वृद्धि, कतिले बढ्यो ? हेर्नुस् सूची

काठमाडौं – नेपालका लागि बजाज मोटरसाइकलको आधिकारिक वितरक हंसराज हुलासचन्द एन्ड कम्पनीले नेपाली बजारमा बिक्रीका लागि उपलब्ध विभिन्न मोडल मध्ये अधिकांश मोडलको मूल्यमा केही वृद्धि गरेको छ ।

हिजो जेठ १८ देखि लागु हुने गरी बजाज पल्सरका केही मोडल वाहेक अन्य सबै मोडलमा मूल्य वृद्धि गरिएको हो । यी मोडलमा २ हजार देखि ५ हजार रुपैयाँ सम्म मूल्य वृद्धि गरिएको छ ।

यी सबै मध्ये सबैभन्दा बढी ५ हजारको दरले पल्सर ४०० एनएस जेड बीएस६ र डोमिनार ४०० एबीएस बीएस६ मा मूल्य वृद्धि गरिएको छ । अब यी मोडलको मूल्य क्रमशः ५ लाख ७१ हजार ९ सय र ६ लाख २० हजार ९ सय रुपैयाँ पुगेको छ ।

नेपाली बजारमा उपलब्ध मोडल मध्ये बजाजको सबैभन्दा सस्तो अर्थात कम मूल्यको मोडल प्लाटिना १०० ईएस हो । यसको मूल्य २ हजार रुपैयाँले बढेर २ लाख १४ हजार ९ सय रुपैयाँ पुगेको छ ।

यद्यपि यो मूल्य वृद्धिको निर्णय कम्पनीले पहिले देखि नै गरेर शोरुमहरुमा पठाइसकेको र यसमा हालै सार्वजनिक बजेटको कुनै सम्बन्ध नभएको कम्पनी स्रोतको भनाइ छ ।

नेपाली बजारमा बजाजका डिस्कभर, पल्सर, एभेन्जर र डोमिनार लगायतका मोडल उपलब्ध छन् ।

बजाजको नयाँ इलेक्ट्रिक स्कुटर चेतक समेत केही समय पछि नेपाली बजारमा समेत उपलब्ध हुने बताइएको छ । हाल सम्म बजाजको स्कुटर बिक्रीका लागि उपलब्ध छैन ।

यस्तो छ विभिन्न मोडल र मूल्य सूची