नाडाद्वारा बजेटमार्फत भन्सार शुल्क र अन्तःशुल्कमा विभिन्न छुट लगायतका सुविधा दिन माग

काठमाडौं – अटोमोबाइल व्यवसायीहरुको संगठन नाडा अटोमोबाइल्स एसोसिएसन अफ नेपाल (नाडा)ले सवारी साधनको पार्टपूर्जा आयात र उत्पादनमा भन्सार शुल्कमा ५० प्रतिशत र अन्तःशुल्कमा ५० प्रतिशत छुट दिनुपर्ने माग राखेको छ । आगामी आर्थिक वर्ष २०८२/८३ को बजेट सम्बन्धमा अर्थ मन्त्रालयलाई १० बुँदे सुझाव दिदै नाडाले यस्तो माग राखेको हो ।

यस्तै, पुराना सवारी साधनहरूलाई पत्रु गरी नयाँ सवारी साधन लिँदा भन्सार महसुलमा छुट तथा सुविधाको व्यवस्था हुनुपर्ने पनि उक्त सुझाव पत्रमा उल्लेख छ । सबै किसिमका एसेम्बलिङ उद्योगले आयात गर्ने अनएसेम्बल विद्युतीय सवारी साधनहरु (मोटर साइकल, स्कुटर , रिक्सा , कार , जिप, भ्यान) को पार्टपुर्जा पैठारी गर्दा भन्सार महसुलमा ७५ प्रतिशत छुटको व्यवस्था गरिनु पर्ने नाडाले माग गरेको छ । त्यसैगरी विभिन्न प्रकारका सवारी साधनको महसुल सम्बन्धी विद्यमान व्यवस्थामा आवश्यक परिमार्जन गर्नु पर्ने सूची समेत नाडाले उल्लेख गरेको छ ।

साथै, नाडाले आर्थिक अध्यादेशमा पैठारी सम्बन्धी विशेष व्यवस्थामा भएका सर्तलाई कायम गर्दै त्यसको थप स्पष्टताको लागि विभिन्न वाक्यांशहरू समेत थप गरिनु पर्ने विषय पनि समावेश गरेको छ ।

यस्ता छन् अन्य सुझाव