२० प्रतिशत डाउनपेमेन्टमै टाटा ईभी किन्न पाइने,भोलिबाट प्रि–बजेट एक्सचेन्ज फेस्ट

काठमाडौं–टाटा गाडीको नेपालका लागि आधिकारिक वितरक सिप्रदी ट्रेडिङले प्रि बजेट एक्सचेन्ज फेस्ट आयोजना गर्ने भएको छ । जेठ १ अर्थात भोलिदेखी सुरु हुने सो मेला ४ दिनसम्म चल्नेछ ।

बजेट मार्फत ईभीको कर बृद्धि हुने चर्चा चलिरहेको समयमा कम्पनीले विभिन्न अफर राखेर मेला आयोजना गर्न लागेको हो । मेलामा ग्राहकले आँफूसंग भएको जुनसुकै ब्रान्डको पुरानो गाडी दिएर टाटाको ब्रान्ड न्यू ईभी एक्सचेन्ज गर्न सक्नेछन् ।

यसरी एक्सचेन्ज गर्दा आकर्षक एक्सचेन्ज वोनस र लाइफटाइम निःशुल्क चार्जिङ सुबिधा पाइनेछ । यस्तै निःशुल्क जडानसहित चार्जिङ वक्स र एसेसोरिजसमेत प्रदान गरिने कम्पनीको भनाई छ ।

मेलामा टाटा ईभी किन्ने चाहनले २० प्रतिशत डाउनपेमेन्ट सुबिधा समेत पाउनेछन् । टाटा टियागो, कर्भ, पन्च र नेक्सन के३ ईभीमा यो अफर लागनु हुने जनाइएको छ ।मेला जेठ ४ गतेसम्म सञ्चालन हुनेछ ।