ईभी उद्योगमा हलचल ल्याउने सिएटिएलको तीन नयाँ आविष्कार

चिनियाँ ब्याट्री निर्माता कन्टेम्पोररी एम्पेरेक्स टेक्नोलोजी कम्पनी लिमिटेड (सिएटिएल) सोमबार आफ्नो ‘टेक डे’ कार्यक्रममा तीन ब्याट्री प्रविधि सार्बजनिक गरेको छ । कम्पनीले देखाएको यी तीन नयाँ आविष्कारले भविषयमा बिद्युतिय कार र हाइब्रिड सवारी साधनहरू बीचको प्रतिस्पर्धात्मक परिदृश्यलाई नयाँ परिभाषा दिने अनुमान गरिएको छ ।

कम्पनीले सार्बजनिक गरेको प्रमुख आविष्कार ‘फ्रीभोय डुअल पावर ब्याट्री’ थियो, जसले सिंगल चार्जमा १५०० किलोमिटर रेन्ज दिने दाबी गरिएको छ । डुअल–कोर आर्किटेक्चरमा तयार पारिएको यस नयाँ ब्याट्रीले भविष्यमा समग्र ईभी उद्योगमा नै हलचल ल्याउने अनुमान गरिएको छ ।

सिएटिएलले सार्बजनिक गरेको अर्को नयाँ आविष्कार भनेको दोस्रो–पुस्ताको शेन्क्सिङ सुपरफास्ट चार्जिङ ब्याट्री हो । यस नयाँ ब्याट्रीले ८०० किलोमिटर रेन्ज प्रदान गर्ने दाबी गरिएको छ । साथै यस ब्याट्रीको १२ डिग्री सेल्सियस हाराहारी चार्जिङ रेट र १.३ मेगावाट भन्दा बढीको अधिकतम चार्जिङ पावर रहेको छ ।

एक सेकेन्ड चार्ज गरेपछि २.५ किलोमिटर रेन्ज पाइने यस नयाँ प्रबिधीले मेगावाट–स्तरको चार्जिङ स्टेशनबाट केवल पाँच मिनेटमा ५२० किलोमिटर रेन्ज प्रदान गर्दछ ।

त्यसैगरी, सिएटिएलले सोडियम–आयन पावर ब्याट्रीलाई यसै वर्षको डिसेम्वर महिदनादेखी मास प्रोडक्सन थाल्ने घोषणा गरेको छ । यो सोडियम–आयन ब्याट्रीले उच्चतम ऊर्जा घनत्व १७५डब्लुएच÷केजी हासिल गर्छ, जसले हाइब्रिड विद्युतीय सवारी साधनहरूलाई २०० किलोमिटर भन्दा बढी रेन्ज दिन्छ ।

यस ब्याट्रीले ५सी सुपरफास्ट चार्जिङलाई सपोर्ट गर्दछ भने चार्जिङ साइकल १० हजार रहेको छ । सोडियम–आयन प्रविधिले परम्परागत लिथियम ब्याट्रीहरू भन्दा धेरै सुरक्षा समेत प्रदान गर्दछ । सिएटिएलको सोडियम–आयन ब्याट्रीले अत्यधिक चिसोमा समेत उत्कृष्ट पर्फमेन्स दिने बताइएको छ ।